Jirimaya 15:11 - Udél Dwata: Gna Kesfasad ne Lomi Kesfasad

¹¹ Yó balà Dwata do, “Ó Jirimaya, ou se fen mofin kóm anì laen dù hemenem. Yó kem tau kembê kóm yó, angat le hkodu béléem anì uu fen mni béléu anì tnóbóngu lu ke kól yóm kdawen wen gfà le, yóm kdaw le hol glayam.

Jirimaya 15:11 Referans Kwoze

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Jirimaya 37:3

Sotu kdaw bè yó, yó nmò Sidikaya, wen lewu tau dóken ebè Jirimaya, duhen Jihukal yóm ngà Silimaya logi, lewu le Sifanaya yóm tau gel blóng le ebè Dwata ngà Maasiya logi. Hógówen lu etu bè Jirimaya anì mon le mò du, “Ó Jirimaya, holi mni kut bè Dwata yóm sana kut Dwata hol gónó mogot. Hnihem kut yóm kbenwu tekuy.”

Jirimaya 42:2

Jirimaya yóm tau tugod Dwata. Yó mon le mò du, “Holi mni kum bè yóm sana kut Dwata hol gónó mogot. Tonem ni là kô tekuy hol bud wen. Là mkélen bè yóm gnan, tehe tey kwen tekuy.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Lingón 138:3

Bè yóm gel knihu béléem, gel bnalaem o. Sal gel ten-gelem nawahu mlan bè kehekgisem dou.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Jirimaya 37:17

Bè yóm knô Jirimaya bè yó, lemwót Sidikaya hangayen Jirimaya ebè gónô bongen ne wen lifut snólóken béléen, monen, “Wen kô udél lemwót bè Dwata?” Bnalà Jirimaya se, monen, “Wen. Angati gnô lem hólól yóm tau hol geta bè Babilun.”

Jirimaya 38:14

Sotu kdaw bè yó, hangay Sidikaya Jirimaya yóm tau tugod Dwata, etu bè yóm getluhen bak tikeb bè Gónô Dwata. Bè yóm keston le yó mon yóm tau hol geta mò ke Jirimaya, “Wen snólóku béléem, hol tulónem dou yóm ktahuhen.”