Jirimaya 15:1 - Udél Dwata: Gna Kesfasad ne Lomi Kesfasad

¹ Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Jirimaya 15:1 Referans Kwoze

Jirimaya 14:11

Yó udél Dwata ebéléu, monen, “Ó Jirimaya, béi abay bud mni tóbóng béléu bè ni kem tau ni.

Kem Lingón 106:23

Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

2 Bok Kem Tau Hol Geta 17:20

Duhen yó, tey kekbê Dwata kul yóm kdê sfu tehe Israél. Tnafaken lu, botong blayen lu elem hólól yó kem tau gel mundug kul efet gotu hlanahen lu bè soluhen.

1 Samwél 7:9

Duhen yó, wen ngà ubiha tolo tmutù nwa Samwél ne hkekeben lenbotù ebè Dwata mò dsuen ebéléen. Tey kehkoduhen bè Dwata anì tnóbóngen yó kem tau Israél ne bnalà Dwata yóm hnihen yó.

Jirimaya 52:3

Tey sidek kebut Dwata kul yó kem tau bè Jirusalim ne bè Juda ne yó gónón hdó kul bè soluhen, hegefen lu. Lemwót Sidikaya, natuen Nibukadnisar bè Babilun.

Jirimaya 18:20

Deng mom bnalà le sidek yóm hyu gel nmou bélê le. Deng wen holot nmò le anì ghatay le ou igoen ou se yóm tehe hkodu béléem anì mkó ta le yóm tey kebutem kul.

Jirimaya 15:19

Yó balà Dwata do bè nim ni, monen, “Ke hegseli, henmóyóu uu ne budi baling tóbóng lówóhu. Ke tulónem yó kem udél wen muhen bélê le, budi baling tau mò tugodu. Lemwót bè udélem ebélê le, uu se mit kul yó kem tau. Là hyuhen ke lu mit kóm.

Kem Udél Hlalak Tehe Selumun 14:35

Tey hligal yóm tau hol geta bè kehyu kmò yó kem tau smugung béléen, okóm tey sidek kebuten du yó kem tau mò yóm gónón myak.

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Jirimaya 35:19

Lemwót bè nim kimón ye ni, sónmoen tendo wen bélê ye lemwót bè sfu Jihunadab yóm ngà Rikab logi, gel setles mò nmò béléu. Ou se yóm Dwata laen dù là gbeken du, yóm Dwata yó kem tau Israél, nim mudél ni.”

Kmukum 5:9

Tey kegmung nawahu kul yó kem kmandér bè yó kem tau Israél, dalang se yó kem tau tódô lemwót bè nawa le yóm kmung le bè gida. Hol dóyón tekuy Dwata.

Tekang Kbuten 19:27

Hol hlafus hayahen bè yó, bud semfulék Abraham ebè yóm tehe gónó le sdà Dwata.

Sikaraya 3:3

Yóm igò Jéswa mdà bè solu yóm hógów Dwata yó, tey nusing nesen.

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”

Jirimaya 9:19

Hnungol ye dé yóm tey kik bè Sayun, yó mon le, “Deng tekuy gotu meglà ne. Deng tekuy gotu myak ne ni. Deng bang ktebel tekuy du ne nim benwu tekuy ni, abay se deng gotu gbà yó kem gónô tekuy.”

Jirimaya 10:18

Yó bud udél Dwata ebélê ye, monen, “Ni, botu yu mayuk gu bè nim tonok ye ni. Wen tey heglumfaku kuy anì gnóm ye yóm kebutu.”

Jirimaya 22:28

Moen de nim Jihuyakin ni, hol lómón tô yóm lebwón btù deng hnuda? Moen de ke mom negef le ebè benwu mayuk mung du kem ngaen?

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”