Jirimaya 14:3 - Udél Dwata: Gna Kesfasad ne Lomi Kesfasad

³ Yó kem tau wen kendengen le, dók le yó kem tóbóng lówó le anì na le e mebel él. Tahu se, mógów le ebè yó kem kokol, okóm laen kô dù bud él ton le. Bud nit le mulék laen dù lem yó kem tô nlem le. Tey sidek kegnóm le du ne tey kesbeweg le, botong lenimun le kulu le lemwót bè yóm sidek kegnóm le du.

Jirimaya 14:3 Referans Kwoze

2 Samwél 15:30

Omin Dabid mneged eta Bulul Ulib, igoen mkik. Tódô mógów hono hólól ti ne bnausen kuluhen, ilô yóm klangagen. Dalang se yóm kdê tau mung du, bud bnaus le se kul kulu igò le mkik mneged eta yóm bulul.

Kem Lingón 40:14

Yó kem tau hligal lemwót bè yó kem gfau, hol hensengem lu, hol henyakem lu.

2 Bok Kem Tau Hol Geta 18:31

Hol bê ye abay hnungol Hisikaya. Yó udélen ebélê ye yóm tau hol geta bè Asirya, monen, Mógów ye ebéléu, géhél ye heglaan, anì bud gken ye bungu grép ye ne bungu koyu fig ye, ne anì bud ginum ye yóm él lemwót bè sana kuy kokol,

Amus 4:8

Yó nmò yó kem tau, tódô ket le benwu malu mógów na le e mebel él ninum, okóm là kóen kóyów yóm él ton le. Ewenem sana là kóyô ye semfulék ebéléu,” mon Dwata.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Juwél 1:20

Balù yó kem ógóf lóbô lem bnes, gotu le hegwóng ebéléem lemwót bè alì kleeng le. Deng le gotu kti yó kem él ne hol lómón ke deng gotu ken ofi yó kem gónó le gel mótób yó kem ógóf lem bnes.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Jirimaya 14:4

Lemwót bè yóm là kkulónen tódô mékéng yóm tonok, botong gentô. Ya tey sidek kegnóm le du yó kem tau gel mò hulu, botong lenimun le kulu le se kul.

Kem Lingón 109:29

Hol hegfanem bè kdéen tau yóm sidek kyak yó kem hohonu, hol hegfanem lómón yóm nes eles nô bè lówó le.

Job 6:20

okóm tódô le henà bè kilil yóm él deng kti.

Istér 6:12

Tikóng deng, tódô bud mulék ebè bak tikeb yóm gónô bong ke Murdikay. Okóm ke Haman kun, tódô kendel heslò mulék ebè gónóen tey sidek kyaken, botong kukum.

1 Bok Kem Tau Hol Geta 17:7

Okóm deng legen udì bè yó, tódô kti yóm él yó lemwót bè yóm là kkulónen bè klamangen benwu.

2 Samwél 19:4

Tódô snefeng Dabid hólól uyóhen igoen dmumu mkik, monen, “Ngau Absalum, Absalum, Absalume, ngau.”

Jirimaya 2:37

Yakà deng kenbê Dwata kul yóm lewu kem benwu lembang deng snalig ye. Laen kô dù lan le tmóbóng kuy. Angat tahu yóm kbaling ye tau negef.”

Jirimaya 15:18

Mou alì heglayam du? Moen là mkó du yó kem haliu? Bè kehedemu du yóm któbóngem do, déke là dohoen. Déke lómón yóm él mlel angat kti bè kinì kdaw, duhen ke yóm kokol deng kti.”

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Sikaraya 14:17

Yóm benwu là mnegeden ebè Jirusalim ne là tmabahen ebè yóm Hol Geta duhen yóm Dwata laen dù là gbeken du, laen dù kulón ebè benwu le.

Amus 4:7

“Là kô hkulónu du bè yóm kdaw alì kwen muhen bè yó kem hulu ye ne gotu sidek yó kem hulu ye. Deng hkulónu bè yóm sotu syudad, okóm là hkulónu du bè yó kem dumu syudad. Kmulón ebè sotu tonok gónó mò hulu, fen là bè yó kem dumuhen, hlós tódô mékéng.