Jirimaya 12:6 - Udél Dwata: Gna Kesfasad ne Lomi Kesfasad

⁶ Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Jirimaya 12:6 Referans Kwoze

Kem Udél Hlalak Tehe Selumun 26:25

Anien ke hentiloben kudélen yóm tau yó béem hentahu yakà dengen hnok lem but blututen yóm utó nawahen.

Jirimaya 9:4

“Elesi temgama bè yóm dumuhem sebét. Hol béem snalig yóm hol dumum sulil-lem. Yakà tódô kdê le du hulung smukat, ne kdê le sal gel tnulón le kéng kem wè le.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Matyu 10:21

Bè yóm kdaw yó, angat wen se tau setwoli, glef hekfô le yó kem kul dumu setwoli ne hfatay le. Ne wen se kem mà, glef hekfô le yó kem kul ngà ne hfatay le. Dalang se yó kem ngà, glef hekfô le kem kul tuha ne hfatay le.

Kul Nmò 18:12

Tikóng deng nmò le gubérnor bè yó bè yóm prubinsya Akiya yóm sotu tau Rom boluyen Galyu, yó nmò yó kem Ju, slomong le, na le e senkfô Pol anì nit le skukum bè yóm gubérnor yó.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Kem Lingón 69:8

Balù yó kem dumuhu setwoli, lómón ke olohe tau milo ebélê le. Senged se yó kem dou fes lówó, lómón ke tólónge tau bélê le.

Job 6:15

Ó kem weu, là kô gsaligu kuy. Yóm gel ketgel ye do, hol lómón ke yu yóm él dmunuk gónó konul.

Kun Snulat Jan 7:5

(Yó se udél le ebè Jisas, abay se balù yóm kessetwoli le, là kô hentahu le du.)

Mark 12:12

Tódô tngón yó kem tau gónó le galak yó kem Ju yóm kegbaken ebélê le yóm deng hningón Jisas yó. Yó nmò le, tódô tô kendel kenfô le, okóm likò le yó kem tey tau wen sbung bè yó. Tódô sentagak le Jisas bè yó, ne mulék le.

Isaya 31:4

Yó udél Dwata ebéléu, monen, “Ke wen tau mentey ubiha, balù nô kehtéen du yóm liyun wen ubiha kenfóen, là kô nan e gbek tmebel du yóm deng kenfóen yó. Senged se béléu, yóm Dwata laen kô dù là gbeken du laen kô gembek hemseng dou bè yóm kofinu yóm bulul Sayun.

Kul Nmò 16:22

Balù yó kem dumu tau bè yó, gotu gbót lenbut le Pol ne Silas se kul. Lemwót yó kem tau mogot kukum, wen tau dók le mò mlus nes le Pol anì hfes le lu. Ne tahu se, tey kabid kfes le kul.

Jirimaya 9:2

Hyu dé ke wen gónóhu nô ditu lem yóm benwu laen hol wen tauhen anì glayuke bè yó kem dou tau, yakà deng le gotu baling tau mdà yehen, tau mahil hmatay dumu tau.

Jirimaya 9:5

Ket tau, snukaten kem dumun. Laen kô dù bélê le tmulón yóm ktahuhen. Hono kéng btang bè sumóng le. Botong le miteg bè yóm kmò le salà.

Kem Lingón 12:3

Hol lensónem, Dwata, yó kem tau hlingón dmóyón kem dumu le yó ne yó kem tau alì heklabak.

Kem Udél Hlalak Tehe Selumun 23:8

Angat lewólem yóm deng kenem sok tngónem yóm hendemen ne olon mom gamà yóm kehtilob udélem ebéléen bè yóm kenen.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.