Jirimaya 12:4 - Udél Dwata: Gna Kesfasad ne Lomi Kesfasad

⁴ Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Jirimaya 12:4 Referans Kwoze

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Sulat Pol Ebè Yó Kem Tau Hemtahu Bè Rom 8:22

Deng tngón tekuy se lemwót bè kegsalà Adam efet nim kmoen ni, tey sidek kegnóm le du yóm kentihen deng dlimun Dwata. Yóm kegnóm le du, senged bè yóm hen-gnóm yóm libun kmuleng blututen.

Husiya 4:3

Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

Hbakuk 3:17

Baluen he ke là bud le mulók yó kem koyu fig ne là bud le mungu yó kem grép ne baluen ke là bud le mungu yó kem koyu ulib ne là bud wen hulu yó kem dnadu ne baluen ke gotu le matay yó kem ubiha ne laen dù bud safì tonem bè yóm gónó le hemsù kul,

Jirimaya 14:2

“Yó kem tau bè Juda tey klangag le. Bè yó kem syudaden laen dù bud gónó le ma mò hbalù le bè yó. Tódô le myón bè tonok yóm kdéen tau lan le langag. Ya tey sidek kkik le yóm kdéen tau bè Jirusalim lemwót bè yóm alì sidek keglayam le.

Kem Lingón 50:21

Yóm igò ye mò du ni kem ni, tódóe yem. Ofo kuy ke mkéle bélê ye. Okóm ni nudélu yu, ne listahu bélê ye yó kem duónu kuy.

Juwél 1:18

Yó kem ógóf, sónmò le dmolong lemwót bè kbitil le, dalang se yó kem safì, olo le tendo mógów hekawang laen kô dù bang nótób le. Balù yó kem ubiha, tey keglayam le se kul.”

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Sikaraya 1:12

Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”

Jirimaya 9:9

Mone là tnafaku kul kô bè yóm nmò le ni? Mone là angat bnelesu kul kô ni kem tau lómón ni kmò le?” mon Dwata.