Jirimaya 12:2 - Udél Dwata: Gna Kesfasad ne Lomi Kesfasad

² Lómón ke deng huluhem lu ne deng le dmolil ne tmowok le, omin le mungu. Són boluyem btang bè sumóng le, okóm lem but blutut le balù udi ke wen nawa le ebéléem.

Jirimaya 12:2 Referans Kwoze

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.

Matyu 15:8

‘Són bè sumóng gónó le madat do ni kem tau ni, mon Dwata, okóm yóm nawa le tey mayuk béléu.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Jirimaya 45:4

Okóm Baruk, ni se udél Dwata ebéléem, monen, Angat gotu genlau nim benwu deng tehe hdau ni. Gotu kendutu lu yó kem tau deng tehe huluhu.

Mark 7:6

Bnalà Jisas se lu, monen, “Yu se gónón e gbak yóm tehe udél Dwata htugoden ke Isaya ekni. Tey tau hemtedeng knô yóm yu, hol lómón yóm tehe monen, ‘Són bè sumóng gónó le madat do ni kem tau ni,’ mon Dwata, ‘okóm yóm nawa le, tey mayuk béléu.

Job 5:3

Ni se yóm dou deng ton, yóm tau nungel knogolen Dwata, baluen ke hyu klowilen là kóen gfu yóm kehyu klowilen yó, tódô mekto sut béléen hlayam.

Kem Lingón 37:35

Wen tehe tau sidek nmoen tngónu, alì sidek klóbóen. Alì hegetahen knóen bè kdéen tau. Lómón kehegetahen knóen, lómón kegeta yóm koyu sidar tmowok bè Libanun.

Hbakuk 1:13

Ne hyu se yóm nmoem yó. Okóm tódô bayaem kul ne kô yóm tey sidek nmò le bélê me ni? Deng tngónu lemwót bè yóm klaen dù belenem là kô nam e gbek tódô tenngel du kóm yóm sidek. Là móyói mton du kóm yó kem tau mò du yóm là tedengen. Ke lómón yó yóm kóm kmò, moen de ke tódói henek bè yóm igò le alì hemsidek kum, mi kem tau tedeng kmoen senta le?