Jirimaya 10:9 - Udél Dwata: Gna Kesfasad ne Lomi Kesfasad

⁹ Yó kem dwata le yó, gel lenafin le yóm blówón bukay lemwót gu bè benwu Spén ne yóm tahu blówón lemwót gu bè benwu Ufas. Gotu blay le bè yó kem tau wen khulung le mò du. Nnes le yóm nes megem ginggung, yóm nes newel yó kem libun alì hulung mò nes.

Jirimaya 10:9 Referans Kwoze

Kem Lingón 115:4

Okóm yó kem kul dwata yó kem tau smólók yó, hono dwata lenbù nmò le lemwót bè tahu blówón ne bè blówón bukay nmò tdok tau.

Danyél 10:5

Bè yóm igou temngel tódô tonu yóm tau mnes bukay, hmilet tahu blówón.

Isaya 40:19

Yóm Dwata kun, là kóen mkél bè yóm dwata lenbù nmò tau. Yóm dwata lenbù nmò le yó, sal gel lenafin le tahu blówón yó kem tau temwél du ne bud wen blówón bukay nmò le mò gónó le hdà du.

1 Bok Kem Tau Hol Geta 10:22

Hyu wen kafalen mò gel lemulón yó kem hbaluen mung bè yóm kun kafal Hiram. Bè ket tlu halay, gel le mulék yó kem kafalen yó, wen lulón le tahu blówón, ne blówón bukay, ne yóm nihi tahà ilifanti, ne kem iwas, ne yóm onuk tilob alì mebtes boluyen pikak.

Kem Lingón 72:10

Yó kem tau hol geta bè kem Kestilà, ne yó kem tau hol geta bè yó kem hungul te mohin, gotu le angat mógów ebéléen na le e benlay basa. Dalang se yóm tau hol geta bè benwu Syiba ne yóm tau hol geta bè benwu Siba, gotu le angat mógów ebéléen na le e benlay basa.

Juna 1:3

Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

2 Tutul Israél 9:21

Hyu wen yó kem kafalen mò mit udél swa ebè dumu benwu, ne kem tau Hiram fen mit kul. Ket tlu halayen omin le bud gel mulék yó kem kafalen yó, wen lulón le tahu blówón, ne blówón bukay, ne yóm uluk nihi ilifanti, ne yóm sotu kay yó kem iwas lembang, ne yóm onuk tilob alì mebtes boluyen pikak.