Jirimaya 10:8 - Udél Dwata: Gna Kesfasad ne Lomi Kesfasad

⁸ Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Jirimaya 10:8 Referans Kwoze

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Jirimaya 10:14

Ke hol hendem tekuy yóm tey kegbek Dwata, laen kô dù tngón le yó du kem olo tau te tonok, hono le nungel. Yó kem tau mò dwata lennged angat le gotu myak, abay se kéng yóm dwata lennged nmò le, là mowil le laen dù genbek le.

Hbakuk 2:18

Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Isaya 44:19

Yóm tau mò du yóm dwata lennged yó, là kô dog getnefen du yóm nmoen. Là kô gbeken mon du, “Wen se bè yóm koyu ni mò snuku gónóhu tmógó ken ne gónóhu tmétê utón anì gemkene. Bong yóm sfuhen nmou dwatahu. Ngem ni, mtude bukol bè yóm sfu koyu snuku.”

Kem Lingón 135:18

Yó kem tau mò kul yó, ne yó kem tau smalig bélê le, hol le mkél bè yó kem dwata nmò le.

Kem Lingón 115:8

Yó kem tau gel mò dwata lennged yó, ne smalig bélê le, mkél le bè yó kem dwata lenbù nmò le.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Husiya 4:12

Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Isaya 44:18

Yó kem tau mò du yóm yó, laen kô tngón le. Hol lómón ke snefeng le mata le, là móyô le hemdem du yóm ktahuhen.

Juna 2:8

Yó kem tau hemtahu bè yó kem dwata lennged laen dù muhen, deng knogol le uu ne.