Jirimaya 10:6 - Udél Dwata: Gna Kesfasad ne Lomi Kesfasad

⁶ Ó Dwata, laen kô dù semnged kóm. Laen kô dù là gbekem du ne tey mfasang yóm boluyem.

Jirimaya 10:6 Referans Kwoze

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Kem Lingón 96:4

Tey mfasang yóm Dwata, tey knóón semdóyón du. Yake wen klikò kuy du senta yóm klikò kuy yó kem dwata kéng.

Kem Lingón 48:1

Tey geta yóm Dwata, knóón hol sendóyón bè yóm kun syudad yóm Dwata tekuy ta yóm kun bulul.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Kem Lingón 145:3

Tey kegetahen yóm Dwata. Du se yóm knóón hol sendóyón. Yóm kegetahen, là gbek tau hmingón du.

Danyél 4:3

Tey tennga yóm ilô nmò Dwata ne tey kegbeken mò yó kem hentaw ton. Angat laen kô dù sónen yóm kogoten tau, balù hilu lugod le sana yó ne yóm kun kogot.”

Kem Lingón 147:5

Tey kegetahen yóm Dwata tekuy. Ya tey kfasangen, laen dù gemsenged du. Yóm ketngónen yóm kdéen, là gbekem hmingón du.

2 Samwél 7:22

Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.

Jirimaya 32:18

Tey bong nawahem tau ne tey hyu kmoem ebélê le yó kem hilu libuhen kwen le, okóm gel tnafakem yó kem ngà le lemwót bè salà yó kem tuha le. Uu se yóm Dwata hol geta alì mfasang, yóm Dwata laen dù là gbeken du.

Isaya 40:25

Wen kô gónó tekuy e heskél du yóm Dwata laen dù belenen? Wen kô tngónem mkél béléen?

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Isaya 46:5

Yó bud mon Dwata, “Wen kô gónó ye heskél dou? Wen kô gemsenged do?

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Kem Lingón 35:10

Hol lemwót lem but blututu yóm kdóyónu du, yó monu, “Ó Dwata, laen kô dù gemsenged kóm. Tmau du de gembek lemwà yó kem tau lunog ne kem tau élél bè yó kem tau kemgis? Tmau du de gembek mofin yó kem tau élél bè yó kem tau gel mongò kul?”

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Nihimaya 4:14

Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”

Dwata 32:31

Okóm yóm kul dwata yó kem hohon tekuy, là mkélen bè yóm kut Dwata kem tau Israél. Deng eles tngón yó kem hohon tekuy ne yóm yó.

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

1 Tutul Israél 16:25

Tey geta yóm Dwata, tey knóón semdóyón du. Yake wen klikò tekuy du senta yó kem dwata kéng.