Jirimaya 10:4 - Udél Dwata: Gna Kesfasad ne Lomi Kesfasad

⁴ Ne wen blówón bukay ne tahu blówón gel klóón le du. Omin le tmutuk du bè yóm gónó le hemsù du anì là btangen.

Jirimaya 10:4 Referans Kwoze

Isaya 46:7

Omin le mkay du ne tnihang le mulék. Wen gónó le hemsù du mò gónón mdà. Là kô gbeken kemdol bè yóm gónón nô yóm dwata le yó. Ke wen tau mni ebéléen, là kô gbeken malà du ne là se gbeken lemwà du ke wen gfaen.

Isaya 44:12

Yó nmò yóm tau msól wen bala tók nwahen, ominen lemubón du lem ofi ne nsólen ne tey kekgis yóm sigelen msól du. Bè yóm ksólen du gnómen kbitilen, lelen meeng ne miteg.

Kem Lingón 135:15

Yó kem kul dwata lennged yó kem tau bè tólóng benwu, gel nmò le bè blówón bukay ne tahu blówón, hono nmò tdok tau.

Kem Lingón 115:4

Okóm yó kem kul dwata yó kem tau smólók yó, hono dwata lenbù nmò le lemwót bè tahu blówón ne bè blówón bukay nmò tdok tau.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.