Jirimaya 10:3 - Udél Dwata: Gna Kesfasad ne Lomi Kesfasad

³ Yóm kul hentahu yó kem tau yó, laen dù muhen. Nmò le dwata lennged yóm koyu nofok le lem dlag.

Jirimaya 10:3 Referans Kwoze

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Matyu 6:7

Bè yóm kni ye, omin he ke alì sensulit ye udél ye lómón yóm kul gel nmò yó kem tau hemtahu bè yóm dwata kéng. Ofo kul ke yó gónón hmungol kul yóm kul dwata ke bè yóm ktahà kni le.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Kul Nmò 19:26

Deng ton ye se, ne deng gungol ye yóm kun nmò yóm tau boluyen Pol. Yó gel monen, yóm dwata lenbù nmò tau, sundu tahu Dwata du. Deng tey dê tau hemtahu du yóm toloken yó, là olon bè ni du bè Ifisus, deng dô lengeben klamang prubinsya Asya.

Kem Lingón 115:4

Okóm yó kem kul dwata yó kem tau smólók yó, hono dwata lenbù nmò le lemwót bè tahu blówón ne bè blówón bukay nmò tdok tau.

Jirimaya 1:16

Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.