Jirimaya 10:1 - Udél Dwata: Gna Kesfasad ne Lomi Kesfasad

¹ Ó kem tau Israél, hol hnungol ye yóm udél Dwata ebélê ye,

Jirimaya 10:1 Referans Kwoze

Deng Hegfan 2:29

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Amus 7:16

Duhen ni, hol hnungolem yóm udél Dwata. Gel monem, ‘Béen wen tugodem gbak ebè benwu Israél. Béen wen tulónem gbak eta yó kem tau Israél yóm kun sfu Isak.’

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Jirimaya 42:15

Ke yó se udél ye, ni se kun udél Dwata ebè yó kem dù tau tebel bè Juda. Yó udélen ebélê ye yóm Dwata laen dù là gbeken du, yóm Dwata yó kem tau Israél, monen, ‘Ke alì duil ye mógów ebè Idyip,

Jirimaya 22:2

‘Uu se yóm tau hol geta mogot yóm benwu Juda yóm sfu tehe Dabid, hol hnungolem nim udél Dwata ebéléem. Ne hol hfungolem kul ne yó kem genlalem dalang se yó kem dumu tau bè Jirusalim.

Jirimaya 2:4

Ó kem tau Israél kem tau sfu Jakub, hol hnungol ye yóm udélen ebélê ye Dwata.

Isaya 28:14

Yu kem tau heklabak malak yó kem tau bè ni bè Jirusalim, hol hnungol ye yóm udél Dwata ebélê ye.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Kem Lingón 50:7

Yó udél Dwata, monen, “Hol hnungol ye ou, kem dou tau, wen udélu ebélê ye. Ou se Dwata yóm hol kuy Dwata. Ni se yó kem duónu kuy, kem tau Israél.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Jirimaya 9:26

duhen yó kem tau Idyip ne tau Idom ne tau Amun ne tau Muab ne yó kem tau menwu bè yóm benwu laen hol wen tauhen. Ni kem tau ni, hono kem tau là hemtahu bè Dwata. Tahu se, balù yó kem tau Juda gomong tnafaku. Senged snéen yó kem tau Israél, skél le bè yó kem tau là hemtahu le bè Dwata. Htulì le, okóm là kô tenles le du kmò le.”

Jirimaya 10:2

yó monen, “Hol bê ye abay lolò yóm kul kmò yó kem tau bè dumu benwu. Bê ye abay likò lemwót bè yó kem ilô ton le bè longit, balù yóm alì klikò le kul yó kem tau bè dumu benwu.

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.