Jirimaya 1:9 - Udél Dwata: Gna Kesfasad ne Lomi Kesfasad

⁹ Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

Jirimaya 1:9 Referans Kwoze

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Kun Snulat Luk 12:12

Abay se bè yóm kdaw yó, yó hem Tulus Dwata fen angat hefedem du kuy yóm mò kbalà ye kul.”

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Matyu 10:19

Ke angat kenfô le yu, bê ye abay tô tnafa nawa yóm mò kbalà ye kul, ne yóm kmò kudél ye ebélê le. Dwata he tmolok du kuy yóm kmò kbalà ye kul sok kól yóm kdaw yó.

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.

Isaya 49:2

Tey kehegseben udélu, lómón kegseb yóm sudeng telem. Kun sigel tendo kemlung dou. Lómó kmoen dou lómón ke ou yóm hanak telem deng hentifesen mò gtien.

Mark 7:33

Tahu se, nwit Jisas hetsik yóm tau bokong yó koni, ne sbalà nseng Jisas tdok yóm klinguhen. Ne ominen dmulak tukô tdoken, ne duen te dilak yóm tau umew.

Lista 23:5

Ne gotu tulón Dwata ke Balaam se yó kem mò htulónen du bè Balak ne ominen hulék ke Balaam etu bè Balak.

Dwata 18:18

Angat wen tau mò tugodu hwitu elem blóng le lemwót bè kul kwen ne yóm kun nmò hol skél bè yóm kóm nmò. Angat tulónu yóm tugodu yó yóm mò angat monen ne angat gotu tulónen yó kem tau Israél yó kem dou hlau kul.

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Danyél 10:10

Ominen tódô wen mogot do, nkayen o efet gtudu bukolu ne hólólu bè tonok igou kenkel.

Danyél 10:16

Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

Dwata 18:16

Abay se ni yóm tehe hni ye bè yóm kdaw tehe gotu kesbung ye bè but Bulul Sinay. Tey kehkodu ye béléu anì là bud gungol ye du yóm udél Dwata ebélê ye ne anì là bud ton ye du yóm tey kdilófen abay se likò ye, déke matay ye.

Dwata 18:17

Ne yó gónó Dwata mon du mò dou, ‘Tey hyu se yóm hni le yó.

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Jirimaya 15:19

Yó balà Dwata do bè nim ni, monen, “Ke hegseli, henmóyóu uu ne budi baling tóbóng lówóhu. Ke tulónem yó kem udél wen muhen bélê le, budi baling tau mò tugodu. Lemwót bè udélem ebélê le, uu se mit kul yó kem tau. Là hyuhen ke lu mit kóm.

Jirimaya 34:6

Tahu se, gotu tulón Jirimaya ke Sidikaya bè Jirusalim yóm tau hol geta mogot yóm benwu Juda, yóm udél Dwata ni.