Jirimaya 1:6 - Udél Dwata: Gna Kesfasad ne Lomi Kesfasad

⁶ Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”

Jirimaya 1:6 Referans Kwoze

Kehewà 6:12

Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Kehewà 6:30

Okóm yó balà Musis du, monen, “Tngónem se là kóe hulung mudél. Neet he ke tô hnungol Faro ou.”

Jirimaya 14:13

Ominu yó mudél ebè Dwata, monu, “Ó Dwata yóm hol dandónen geta, wen tulón yó kem tau gel tmugod lem blóng le mon le mò kul, ‘Laen dù gida angat sut bè benwu tekuy ne laen se dù bitil angat mbel lem blóng tekuy. Angat henek Dwata he lem yóm benwu tekuy.’ ”

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Jirimaya 34:6

Tahu se, gotu tulón Jirimaya ke Sidikaya bè Jirusalim yóm tau hol geta mogot yóm benwu Juda, yóm udél Dwata ni.