Jirimaya 1:5 - Udél Dwata: Gna Kesfasad ne Lomi Kesfasad

⁵ “Gu laanu là deng hembaling kóm lem blutut yéem, deng eles tngónu uu ne. Gu laanem là deng sut, deng eles hetfingu uu ne deng eles néléku uu mò tugodu ebè yó kem tau lem benwu.”

Jirimaya 1:5 Referans Kwoze

Kem Lingón 139:16

Deng eles tonem ou ne gu laanu là deng sut. Ne gu laanu là deng sut he, deng eles snulatem bè bokem yó kem deng oluhem etahu lemwót bè yóm kdaw ksutu efet kól bè yóm buteng angat katayu.

Isaya 49:1

Yu kem tau nô bè benwu mayuk, ni hol hnungol ye ou. Deng eles nélék Dwata ou gu laanu là deng sut. Yó hmoen dou mò tóbóng lówóhen.

Sulat Pol Ebè Yó Kem Tau Hemtahu Bè Rom 8:29

Lu se tu kem tau deng tehe eles néléken ne hetfingen mò heskélen bè yóm Ngaen. Yó gónón mò du yóm yó anì hol dê dumuhen setwoli yóm Ngaen twogu.

Isaya 49:5

Balù yóm gu laanu là deng sut, deng eles nélék Dwata ou. Nmoen ou tóbóng lówóhen mò malak kul mulék yó kem tauhen Israél deng gotu sekla. Bè Dwata se gónón lemwót yóm kadat le do yó kem tau. Béléen se gónón lemwót yóm kwen kgisu.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Kun Snulat Luk 1:41

Timbow gungol Ilisabét yóm udél Midi, tódô sennganen se kemdol yóm ngà bnututen. Ne tódô sut béléen yóm Tulus Dwata,

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Jirimaya 1:10

Kemdaw ni wen kwalis blayu kóm mò mudél ebè yó kem dê kay but tau ne ebè yó kem tau hol geta mogot kul. Hol lómón kmoem kul, wen se kendutem ne wen se hnugónem, wen se genlaem ne wen se hebtangem. Okóm bud wen se bélê le bud hdaem ne wen se bélê le hol lómón ke bud huluhem.”

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kun Snulat Luk 1:15

Yóm ngaem yó, angat tey kegetahen bè solu Dwata. Ne là kóen hyu kinumen yó kem ninum lemengel. Tódô lemwót bè ksuten yóm tendo ktolunen béléen yóm Tulus Dwata.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Ifisus 1:22

Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Kun Snulat Jan 10:36

milud he kehyuhen béléu, abay se ou yóm deng tehe nélék Dwata mò hógówen elem benwu. Moen de ke mon ye nuléhu Dwata bè yóm kmonu du, Ou se Ngà yóm Dwata?

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Kem Lingón 139:15

Bè yóm tehe kenoku lem blutut yê bè gónón kmifu tek sotuhu deng sana tonem ou.

Jirimaya 1:4

Yó udél Dwata ebéléu mon Jirimaya,

Jirimaya 25:13

Gotu heglumfaku yó kem tauhen yó kem tafak deng htugodu ke Jirimaya lem nim bok ni.

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Jirimaya 20:15

Henmulau snéen yóm tau tehe mon du mò ke mà, ‘Wen hyu tulónu kóm, deng wen ngaem logi.’