Jirimaya 1:3 - Udél Dwata: Gna Kesfasad ne Lomi Kesfasad

³ Ne bud wen he tendo htugod Dwata du bè yóm kun kogot yóm benwu Juda yóm sotu ngà Jusaya logi boluyen Jihuyakim. Ngang Dwata tendo htugod ke Jirimaya efet bud kól bè gesfoloen sotu halay bè yóm bud kun kogot yóm benwu Juda yóm sotu ngà Jusaya logi boluyen Sidikaya. Bè yóm glimuhen bulón bè yóm halay yó, gotu negef yóm tau hol geta bè Babilun yó kem tau bè Jirusalim.

Jirimaya 1:3 Referans Kwoze

Jirimaya 39:2

Botong lewu halay sóól kegen le smibut du, ne tódô genbà le yóm beng hmilol Jirusalim. Bè yóm kegbà le du yó, deng sfolò sotu halay bud fat bulón bud syóm kdaw Sidikaya ne deng kmamal bè Juda.

2 Bok Kem Tau Hol Geta 23:34

Lemwót Faro Niku, nmoen Ilyakim yóm sotu ngà Jusaya logi mò tau hol geta bè Juda mò tles Jusaya yóm maen. Okóm tenlesen boluy Ilyakim, tlesen du Jihuyakim. Fen hdóhen Jihuhas, hwiten ebè Idyip ne ditu gónón matay.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Jirimaya 34:1

Bè yóm kgida Nibukadnisar bè Jirusalim ne bè yó kem dumu benwu glem lem Juda, mung du yóm kdê sendalù lemwót bè kdê yó kem benwu snakufen. Bè yóm kdaw yó wen udél Dwata ebè Jirimaya, monen,

2 Bok Kem Tau Hol Geta 24:17

Omin yóm tau hol geta bè Babilun mélék ke Manataya mà dì Jihuyakin, mò tles Jihuyakin tau hol geta bè Juda. Tenlesen boluy Manataya, tlesen du Sidikaya.

Jirimaya 1:4

Yó udél Dwata ebéléu mon Jirimaya,

Jirimaya 35:1

Bè yóm kun kkamal bè Juda Jihuyakim yóm ngà Jusaya logi, wen udél Dwata ebè Jirimaya, monen,

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.