Jirimaya 1:19 - Udél Dwata: Gna Kesfasad ne Lomi Kesfasad

¹⁹ Angat natù le uu, okóm là kô gbek le kóm. Yakà tendohe nô béléem ne tendo kenlungu uu. Ou se yóm sana Dwata hol gónó mogot nim mudél ni.”

Jirimaya 1:19 Referans Kwoze

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Kem Lingón 129:2

lemwót bè hanà kudiu yóm tendo kehsidek le do kem hohonu, okóm là kô ghatay le do.

Kul Nmò 26:17

Bè yóm angat gel khógówu kóm,’ monen, ‘sok wen gfaem lem blóng yó kem dumuhem Ju, dalang se lem blóng yó kem tau là Ju le, angat bud gel lenwau uu he.

Lista 14:9

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

Jirimaya 1:18

Yó nmou béléem kemdaw ni, hol lómón ke uu yóm syudad alì mbegel, bala tók heheken ne tembaga bengen, là gbek le gembà du. Laen dù bè yó kem tau hol geta mogot yóm benwu Juda ne bè yó kem genlal le ne bè yó kem tau gel blóng ebéléu, duhen ke bè yóm kdéen tau bè Juda ke gembek kóm.

Jirimaya 2:1

Yó bud udél Dwata ebéléu mon Jirimaya,

Jirimaya 30:11

Yakà tendohe nô bélê ye naw e lenwà yu. Gotu genlau yó kem benwu deng gónów e semkla kuy. Okóm yó dum kuy là kô genlau kuy. Bede là kô gbeku du ke là tnafaku kuy. Là kô lugunu kuy là tnafak,” mon Dwata.

Jirimaya 42:11

Bê ye abay bud hlikò bè yóm tau hol geta bè Babilun, abay se ou tendo nô bélê ye ne angat bud lenwau yu lem hólólen.

Danyél 3:25

“Tenngel ye dé,” mon Nibukadnisar, “deng le mom fat liwà gu lem tum ofi ne là kô le dog mlób. Yóm gfat le, hol lómón tô sotu ngà dwata logi.”

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

Jirimaya 39:17

Okóm kóm du Ibid-mélék, fen hewau uu bè yó kem tau alì knikoem.