Jirimaya 1:16 - Udél Dwata: Gna Kesfasad ne Lomi Kesfasad

¹⁶ Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

Jirimaya 1:16 Referans Kwoze

Jirimaya 19:4

Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Kul Nmò 7:41

Tahu se, tódô le lembù mò dwata, hol lómón ke ngà safì logi kmò le du. Yó nmò le, densù le, ne mò le ken bong mò lan le madat du yóm dwata kéng nmò tdok le.

Isaya 2:8

Ne tódô tfeng benwu le yó kem dwata lennged, gotu le tmaba ebè yó kem dwata lenbù nmò tdok le.

Dwata 28:20

Ke mò ye sidek ne ke kenbê ye Dwata, angat wen tey glumfak hwit Dwata ebélê ye ne senbewegen kmò kehedem ye. Angat tey keglayam ye. Ngangen mò kuy efet ye gotu meglà yóm kdê ye.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

2 Bok Kem Tau Hol Geta 22:17

Lemwót bè yóm deng ktebel le do yó kem tauhu, ne deng le tmaba ebè yó kem tólóng dwata lennged, kem dwata nmò tdok le, yó se gónóhu alì lembut kul. Lenbutu nim benwu ni, ne là kóen teflok yóm kebutu du.’

Juswa 24:20

Ke knogol ye ne deng ye mom tmaba ebè yó kem tólóng dwata, angat hohonen yu ne tnafaken yu. Angat genlaen yu baluen ke tey tilob kmoen ebélê ye bè yóm gnan kdaw.”

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Jirimaya 10:15

Laen kô dù mu le, knóón bang kenhisik. Ke sok bangen kól Dwata, gotu genlaen lu.

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Isaya 65:3

Sónmò le hefebut dou yó kem tau yó, laen kô yak le. Wen gónó le gel demsù ebè yó kem dwata kéng lem blóng yó kem hulu hmilol kul gónô ne gel le mtem insinsu bélê le bè yó.

Isaya 44:15

Wen nwa yóm tau bè yóm koyu néléken mò snuken. Bong yóm sfuhen mò dwatahen. Wen se nahen du mò snuken ofi mò gónóhen mnalang ne mò gónóhen tmógó kenen. Lemwót sfuhen nmoen dwatahen mò gónóhen gel e tmaba.

2 Tutul Israél 34:25

Lemwót bè yóm deng ktebel le do yó kem tau bè Juda, ne deng le tmaba ebè yó kem dwata kéng, tey kebutu kul bè ni kem nmò le ni. Angat tódô koku eta Jirusalim yóm tey kebutu kul, ne là kóen monol.’

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

2 Tutul Israél 7:19

Okóm ke knogolem ou, ne ke là nimón ye du yó kem dou hlau kuy ne yó kem dumu dou hlolò kuy, ne ke tmaba ye ebè yó kem dwata kéng,

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Jirimaya 10:3

Yóm kul hentahu yó kem tau yó, laen dù muhen. Nmò le dwata lennged yóm koyu nofok le lem dlag.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Jirimaya 7:17

Ilóem là deng tonem du kô yóm tendo gel nmò le bè yó kem dumu benwu bè Juda dalang se bè yó kem lan bè ni bè Jirusalim?

Jirimaya 7:18

Lemwót yó kem ngà le, fen le ma koyu ne fen le hembong ofi yó kem mà le ne fen le mò mambang yó kem yê le mò blay le ebè yóm sotu dwata bnoluy le Libun Boi bè Longit. Bud wen se dumu ninum blay le ebè yó kem dumu dwata mò gónó le hebut do.

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.