Jirimaya 1:15 - Udél Dwata: Gna Kesfasad ne Lomi Kesfasad

¹⁵ Gotu tnabahu yó kem sendalù lemwót bè yó kem benwu fi bwak anì mógów le edini bè Jirusalim. Lemwót yó kem tau hol geta bélê le, angat gotu sù le bè yó kem bak tikeb nim syudad Jirusalim ni yó kem kul gónó myón kmamal. Angat gotu genbà le yóm beng hmilol Jirusalim ne nundug le yó kem dumu benwu glem lem Juda.

Jirimaya 1:15 Referans Kwoze

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Jirimaya 9:11

Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

Jirimaya 39:3

Bè yóm gónó le gembà du yóm beng hmilol Jirusalim yó, gónó le gotu mlan yóm kdê genlal bè yó kem sendalù Babilun ne myón le bè yóm gónô kmukum bè yóm bak tikeb bnoluy le Tikeb Gónón Sóól. Yó genlal mógów elemen, duhen Nirgal-sarisér lemwót bè Samgar, ne Nibu-sarsikim yóm sotu geta bè yó kem sendalù, ne yóm sotu Nirgal-sarisér yóm gónón gel mungol hlau yóm tau hol geta, ne tey wen he kem dumu genlal mung kul.

Jirimaya 10:25

Yóm kebutem, Dwata, hol kokem eta tu kem tólóng tau kembê kóm, tu kem tau là tmaba le ebéléem. Yakà deng gotu hnatay le yó kem tauhem. Deng gotu genlà le mi yóm kdê me ne deng gbà yóm kum benwu.

Jirimaya 33:10

Yó bud udél Dwata, monen, Yó gel mon ye, ‘Deng tey kehsidek le du yóm tonok ni. Laen dù bud tau tonem kkólen bè yó kem ógóf, deng le gotu lana.’ Okóm bè yó kem lan laen dù tauhen bè Jirusalim nim kmoen ni kkólen bè yó kem dumu benwu glem lem Juda, angat bud wen

Jirimaya 10:22

Hnungol ye dé, wen tulón sut. Tey sendalù wen lemwót gu bè yóm benwu fi bwak, angat gotu genlà le yó kem tau bè benwu Juda. Henbaling le benwu mò gónó le nô yó kem ógóf lóbô lem bnes.”

Jirimaya 6:22

Yó udél yóm sana Dwata hol gónó mogot, monen, “Tenngel ye dé, wen kem tey sendalù wen lemwót bè yóm benwu fi bwak. Wen tey benwu mfasang lemwót bè hol són tonok angat gmida kuy.

Jirimaya 34:1

Bè yóm kgida Nibukadnisar bè Jirusalim ne bè yó kem dumu benwu glem lem Juda, mung du yóm kdê sendalù lemwót bè kdê yó kem benwu snakufen. Bè yóm kdaw yó wen udél Dwata ebè Jirimaya, monen,

Juwél 2:20

Angat kóhu lem blóng ye yó kem tey lememek lemwót fi gu bwak, gotu dkolu lu mayuk ebè tum benwu là hyu menwu du. Yóm lumbuk le tukô gna, gotu dkolu ebè Mohin Héét. Yóm lumbuk le huli, dkolu ebè Mohin Miditiranyan. Tódô lenngeben nim benwu ni yóm boo bolok le.” Tahu se, tey bong hentaw yóm deng nmò Dwata.

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”