Jirimaya 1:14 - Udél Dwata: Gna Kesfasad ne Lomi Kesfasad

¹⁴ Mon Dwata se, “Tahu se yóm tonem yó. Angat wen tey glumfak lemwót gu bè yóm benwu fi bwak gefet bè kdéen tau bè nim benwu ni.

Jirimaya 1:14 Referans Kwoze

Jirimaya 10:22

Hnungol ye dé, wen tulón sut. Tey sendalù wen lemwót gu bè yóm benwu fi bwak, angat gotu genlà le yó kem tau bè benwu Juda. Henbaling le benwu mò gónó le nô yó kem ógóf lóbô lem bnes.”

Isikél 1:4

Yóm igou temngel, tódô tonu yóm tey lenos mbel fi gu bwak, mung du yóm tey lobun mfól alì sminang lel yóm tey silà mkal gu lemen. Wen ofi bè gónón sóól yóm lobun yó, mom sminang mélél hol lómón yóm tembaga deng hló.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Jirimaya 6:22

Yó udél yóm sana Dwata hol gónó mogot, monen, “Tenngel ye dé, wen kem tey sendalù wen lemwót bè yóm benwu fi bwak. Wen tey benwu mfasang lemwót bè hol són tonok angat gmida kuy.

Juwél 2:20

Angat kóhu lem blóng ye yó kem tey lememek lemwót fi gu bwak, gotu dkolu lu mayuk ebè tum benwu là hyu menwu du. Yóm lumbuk le tukô gna, gotu dkolu ebè Mohin Héét. Yóm lumbuk le huli, dkolu ebè Mohin Miditiranyan. Tódô lenngeben nim benwu ni yóm boo bolok le.” Tahu se, tey bong hentaw yóm deng nmò Dwata.

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.