Jirimaya 1:10 - Udél Dwata: Gna Kesfasad ne Lomi Kesfasad

¹⁰ Kemdaw ni wen kwalis blayu kóm mò mudél ebè yó kem dê kay but tau ne ebè yó kem tau hol geta mogot kul. Hol lómón kmoem kul, wen se kendutem ne wen se hnugónem, wen se genlaem ne wen se hebtangem. Okóm bud wen se bélê le bud hdaem ne wen se bélê le hol lómón ke bud huluhem.”

Jirimaya 1:10 Referans Kwoze

Jirimaya 31:28

Bè yóm gnan kdaw, lómón ke kendutu lu ne lómón ke hebtangu yóm benwu le. Ne gotu genlau lu ne wen tey heglumfaku kul. Okóm bè hulin kdaw, bud huluhu lu ne bud hdau yóm kul benwu,” mon Dwata.

Isikél 36:36

Yó gónóm mon, yó kem tólóng benwu hmilol wen dù tauhen, angat tngón le ou se yóm sana Dwata hol gónó mogot bud hetlob du yó kem syudad deng gbà, ne bud wen htowoku bè yóm benwu tehe là hyu menwu du. Ou se yóm sana Dwata hol gónó mogot fmasad du nim ni ne angat nmou yóm deng monu.

Jirimaya 24:6

Yóm khegefu kul, kul kehyu. Angat tendo tnanudu lu ditu ne angat bud nwitu lu semfulék edini. Bè yóm bud kehesfuléku kul edini bud hdau lu, là kô naw e hnugón kul. Lómón ke bud huluhu lu, là kô naw e kendut kul.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Sikaraya 1:6

Okóm tódô kdê yó kem hetgamahu kul hlanu bè yó kem tehe tóbóng lówóhu, duhen yó kem tugodu ekni, deng gotu gefet bè yó kem tehe fù ye. Omin le yó hegsel, mon le, ‘Ni se balà Dwata du yóm gel nmò tekuy yóm Dwata laen dù là gbeken du. Deng dnohoen yóm tehe deng monen.’ ”

1 Bok Kem Tau Hol Geta 19:17

Yóm tau mlóy gu bè Hasaél, angat hnatay Jihu, ne yó se hemlóy ke Jihu, angat hnatay Ilaysa.

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Jirimaya 1:5

“Gu laanu là deng hembaling kóm lem blutut yéem, deng eles tngónu uu ne. Gu laanem là deng sut, deng eles hetfingu uu ne deng eles néléku uu mò tugodu ebè yó kem tau lem benwu.”

Jirimaya 25:13

Gotu heglumfaku yó kem tauhen yó kem tafak deng htugodu ke Jirimaya lem nim bok ni.

Jirimaya 31:40

Yó klamangen, gomong yóm gónó le gel lembeng ne gónó gel mkok fól efet kól etu bè yó kem gónó le gel mò hulu bè Datal Kidron fi dmata kdaw ne efet kól etu bè Tikeb Kudà, hono dou funen. Yóm syudad ni, laen kô dù bud mundug edu ne laen kô dù bud gembà du.”

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Jirimaya 45:4

Okóm Baruk, ni se udél Dwata ebéléem, monen, Angat gotu genlau nim benwu deng tehe hdau ni. Gotu kendutu lu yó kem tau deng tehe huluhu.

Husiya 6:5

Deng hógówu kem tugodu mò na a tmulón du kuy yóm deng ukumu kuy ne yóm keglau kuy. Hol tahu dohò yóm angat ktafaku kuy, hol lómón kdohò yóm kwasen ket hlafus.

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.