Jirimaya 1:1 - Udél Dwata: Gna Kesfasad ne Lomi Kesfasad

¹ Nim bok ni, kun udél Jirimaya yóm ngà Hilkaya logi. Nim Jirimaya ni, sotu tau gel blóng ebè Dwata lemwót bè yóm benwu udì boluyen Anatot glem lem yóm tonok kul ólól yó kem tau semfu gu bè Bindyamin.

Jirimaya 1:1 Referans Kwoze

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

2 Tutul Israél 36:21

Duhen yó, deng dohò yóm tehe udél htugod Dwata ke Jirimaya, yóm monen, “Botong hitu folò halay kegenen laen kô dù tauhen yóm benwu yó kem tau Israél lemwót bè yóm là klolò le du yóm hlolò Dwata kul bè yóm ket gehituhen halay là kmò le hulu.”

Amus 7:10

Timbow gungol Amasaya, yóm tau gel blóng le ebè Dwata bè Bétél yóm tulón Amus yó, tódô kendel hemwit udél ebè Jirubuam yóm tau hol geta bè Israél, monen, “Deng natul Amus uu bè ni lem blóng yó kem tauhem. Yó kem udél deng lemwà gu lem baken hono sidek mit hguluk bè nim benwu ni.

Amus 1:1

Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Isaya 2:1

Yó se udél Dwata ebè Isaya ngà Amus gbak ebè yó kem tau bè benwu Juda ne bè syudad Jirusalim, yó monen,

Matyu 2:17

Bè yóm nmò Hirod yó, deng gónón dohò yóm tehe tulón yóm sotu tehe gna tugod Dwata ekni boluyen Jirimaya, yóm monen,

Matyu 16:14

Mon le se, “Wen se mon du, Jan kun yóm tehe mabtays. Mon kem dumu, Ilaydya kun. Sotu tô kmon le du, Jirimaya kun, duhen ke wen bè yó kem dumu tugod Dwata ekni.”

Matyu 27:9

Yóm nmò le yó deng gónóhen dohò yóm tehe mon yóm sotu tehe gna tugod Dwata boluyen Jirimaya, “Nwa le yóm tlu folò filak mgel yó, yó se kul btes du yó kem tau Israél.

1 Bok Kem Tau Hol Geta 2:26

Omin Selumun mon du mò ke Abyatar yóm tau gel blóng ebè Dwata deng mung ke Adunadya, “Muléki ebè benwuhem se kóm bè Anatot. Bong knóón se ke matayi, okóm là tagad ni du he, abay se uu mit du bè mà yóm Slungan yóm Dwata hol dandónen geta, ne deng legen yóm kmungem ke mà bè yóm klawihen glayam.”

2 Tutul Israél 35:25

Wen kem lanu nmò Jirimaya bè yóm katay Jusaya, ne efet nim kmoen ni sana gel kesngal le du, libun duhen logi mò gónó le hemtulón du nawa yóm katayen. Nim sngal langag ni, tódô hlós adat lolò le bè Israél, ne deng snulat le bè Bok Lanu.

2 Tutul Israél 36:12

Deng mom nmò Sidikaya yóm hono sidek bè kton Dwata du, yóm kun Dwata hol gónó mogot, ne là hnungolen du yóm udél hwit Dwata ebéléen hlanen bè Jirimaya yóm tau tugod Dwata, ne là kóen móyô heglaan béléen.

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Jirimaya 29:27

Moen de ke là nmoem du bè Jirimaya nim ni, yóm tau lemwót bè Anatot lembù tmugod ke Dwata?

Danyél 9:2

bè yóm tanay halay kogoten yó, ou se Danyél hemnagì du yóm udél Dwata deng hsulaten yó kem tugoden. Wen tonu bè yóm kun snulat Jirimaya yóm sotu tau tugod yóm sana kum Dwata hol gónó mogot. Yó tonu hitu folò halayen deng kegenen gbà yóm benwu Jirusalim.

Jirimaya 30:1

Yó bud udél Dwata ebè Jirimaya, monen,

Jirimaya 37:12

kewót Jirimaya bè yó se kun bè Jirusalim tô mógów etu bè tonok Bindyamin nan e nauy yóm tonok deng benlihen.