Istér 4:3 - Udél Dwata: Gna Kesfasad ne Lomi Kesfasad3 Bè kdê yó kem prubinsya deng gónón e glalag yóm udin yó, gotu le langag yóm kdéen Ju. Là kô le mken, gotu le mkik ne lemanu ne tey kwen le mnes sakù ne gotu hensù le kohù yóm gónó le hlilil. Gade chapit la |
Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen.
Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.
Yó hol bótóngen anì lolò le yóm hlolò le kul bè yóm kdaw Purim bè ket halay, kkólen bè yóm angat bud klolò le du se kul yó kem angat lugod le. Ni se yóm hol hlolò Murdikay ne Boi Istér yó kem Ju. Nim hlolò ni, tódô henmóyô yó kem Ju hol lómón yóm tehe kehmóyô le yóm udin bè yóm kfasting le ne bè yóm klangag le.
Timbow tngón Juswa nim gfà le ni, ya tey sidek kegnómen du dalang se yó kem tau gel malak yó kem tau Israél, botong geksê le nes bè lówó le. Tódô le hegluduk bè tonok bè solu yóm Slungan Fasad. Tódô le lemfen bè yó efet seklewet ne wen kfung sù le ta kulu le mò gónó le hegfan du yóm tey ksidek kegnóm le du.