Istér 4:1 - Udél Dwata: Gna Kesfasad ne Lomi Kesfasad

¹ Timbow tngón Murdikay nim ni, tódô kentóhen yóm nes bè lówóhen ne tles bud leseken nes sakù lemwót bè yóm alì sidek khéét kegnómen du. Tódô tenfengen kohù kuluhen ne mógów lem yóm syudad yó, tódô hendlaen lemanu

Istér 4:1 Referans Kwoze

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

2 Samwél 13:19

Okóm yó nmò Tamar, hensuen kfung ta kuluhen, ne kenséen yóm nes tilob leseken. Ominen lemwót, snefengen tdok uyóhen igoen dmumu mkik.

2 Samwél 1:11

Tódô kensê Dabid nesen, botong ksidek kegnómen du, dalang se yóm kdê tau mung du, gotu kensê le se yóm kul nes.

Job 2:8

Lemwót Job myón bè yóm gónó le gel mkok kohù, nwahen yóm ngà kébéng kuleng tonok mò gel kléhen yóm nanak hisahen.

Kul Nmò 14:14

Timbow gungol Barnabas ne Pol yóm tô nmò le yó, botong geksê le nes le. Tódô le mlóy etu bè yóm gónó le deng stifun yó kem tau,

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Sifanaya 1:14

Deng moni ne yóm hol kun kdaw Dwata, yóm kdaw alì knikò. Deng tey moni ne yóm kdaw yó, lelen alì meslò. Hnungol ye, balù yó kem sendalù alì lóbô, sana klangat le. Hol kdawen héét yóm kdaw yó.

Mika 1:8

Ominen yó udél Mika, monen, “Lemwót bè yóm deng nmò le ni botonge langag, yó gónów lemanu. Tódóe mógów hono hólól ti ne mógów hlówó lemwót bè klangagu. Tmoule lómón ohu dyakal lem bnes ne mudéle lómón kol.

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

Istér 4:3

Bè kdê yó kem prubinsya deng gónón e glalag yóm udin yó, gotu le langag yóm kdéen Ju. Là kô le mken, gotu le mkik ne lemanu ne tey kwen le mnes sakù ne gotu hensù le kohù yóm gónó le hlilil.

Juswa 7:6

Timbow tngón Juswa nim gfà le ni, ya tey sidek kegnómen du dalang se yó kem tau gel malak yó kem tau Israél, botong geksê le nes bè lówó le. Tódô le hegluduk bè tonok bè solu yóm Slungan Fasad. Tódô le lemfen bè yó efet seklewet ne wen kfung sù le ta kulu le mò gónó le hegfan du yóm tey ksidek kegnóm le du.

Tekang Kbuten 27:34

Timbow gungol Iso yóm udél maen, tódô hendlaen lemangat mkik, yó monen, “Déy gi, Mà, bud noluhem ou se do.”

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”

Istér 4:2

efet kól bè bak tikeb yóm gónô bong, bede olon mdà bè lewaen abay se là heflós le du e lemen yóm tau mnes sakù.

Tekang Kbuten 37:34

Tódô kensê Jakub yóm nes bè lówóhen bè klangagen ne tles leseken nes sakù. Ne tey kegenen tendo lemangag du yóm ngaen yó.

Isaya 37:1

Bè yóm kungol Hisikaya du yóm tulón le yó koni, tódô gekséen nes bè lówóhen lemwót bè yóm alì ksidek kegbeng lemen, tles bud leseken nes sakù ominen mógów ebè Gónô Dwata.

Isaya 37:2

Wen kem tau dóken ebè yóm sotu tugod Dwata boluyen Isaya ngà Amus. Yó boluy yó kem tau dóken, Ilyakim yóm mogot gónô bongen ne Sibna yóm fen gel smulat yóm gel nmò le ne wen bè yó kem tuha gel demsù ebè Dwata mung kul. Gotu le lemsek nes sakù snéen kul.