Istér 10:1 - Udél Dwata: Gna Kesfasad ne Lomi Kesfasad

¹ Bè yóm benwu knamal Sérksis wen tey bwis hbayaden yóm kdéen tau snakufen, gomong le mayad snéen yó kem tau nô bè kilil mohin.

Istér 10:1 Referans Kwoze

Kem Lingón 72:10

Yó kem tau hol geta bè kem Kestilà, ne yó kem tau hol geta bè yó kem hungul te mohin, gotu le angat mógów ebéléen na le e benlay basa. Dalang se yóm tau hol geta bè benwu Syiba ne yóm tau hol geta bè benwu Siba, gotu le angat mógów ebéléen na le e benlay basa.

Kun Snulat Luk 2:1

Bè yóm hanà tolo kegenen du Agustus ekni, yóm tau hol geta bélê le nô bè syudad Rom, wen udin lemwót béléen. Kwadagen tau bè klamangen yóm kun benwu nogot gotu le na a hsulat boluy.

Istér 8:9

Tahu se, tódô kendel htaba Murdikay yó kem tau gel smulat bè yóm tau hol geta. Yóm kehtabahen kul yó, bè gewuhen folò tlu kdaw bè yóm getluhen bulón yóm bulón boluy le du Siban. Hsulaten kul yóm udin hwiten ebè yó kem Ju ne ebè yó kem gubérnor le ne ebè yó kem tau wen hogot le kul ne ebè kdê yó kem dumu tau wen glalen bè yó kem 127 prubinsya nogot Sérksis, lenwóten bè benwu Indya fi dmata kdaw efet kól bè benwu Sudan fi leged. Yóm sulat hwiten yó hwiten ebè ket prubinsya, hsulaten bè kul udél ne bè kul kmò ksulat. Senged se bè yó kem Ju, hsulaten bè kul udél ne bè kul kmò ksulat snéen.

Istér 1:1

Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.