Istér 1:4 - Udél Dwata: Gna Kesfasad ne Lomi Kesfasad

⁴ Botong nem bulónen hegfan du bè yó kem tau tinoken yó, yó kem tey kendengenen bè yóm kkamalen ne yóm tey keheklóónen.

Istér 1:4 Referans Kwoze

Job 40:10

Ke gbekem, yó kun hegfanem yóm kegetahem. Lesekem yóm nes alì tilob gel lesek yóm tau hol geta mò klóónen.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Sulat Pol Ebè Yó Kem Tau Hemtahu Bè Rom 9:23

Yó gónón mò du nim ni mò gónón hegfan yóm tey alì kehyu kmoen ebélê tekuy kem tau deng knoduhen, kem tau deng eles néléken mò angat megdóyón béléen.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Matyu 4:8

Omin Seitan bud mit ke Jisas eta tfusù yóm tey bulul geta, ne gotu toloken du kdê yó kem benwu talak tonok ne yóm tey kehyuhen.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 4:36

Bè yóm bud kuléken ebéléu yóm sana kehedemu, bud mulék ebéléu snéen yóm kadat le do yó kem tau nogotu ne bud mulék ebéléu yóm kegetahu ne yóm benwu nogotu. Bud le mógów ebéléu yó kem tehe genlalu ne yó kem fen gel hemlan béléu udél na le e hmungol udél béléu. Ne bud hulék Dwata ebéléu yóm kegetahu bè yóm benwu nogotu ne mom temnù kfasangu senta yóm gnan.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Kem Lingón 145:5

Angat sentulón le yóm tey klinggelem ne yóm tey kegetahem. Ne sónmou gel hemdem du se dou yóm tey tennga deng nmoem bélê me.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 45:3

Uu se yóm sendalù alì gembek, lumakem sudengem ne. Teyi knóón, lelem alì geta.

Kem Lingón 21:5

Deng tey kegetahen lemwót bè yóm kehegmoem du. Lemwót béléem yóm tey keklóónen ne yóm tey kegetahen.

1 Tutul Israél 29:25

Ya tey kehegeta Dwata ke Selumun, ne tey wen klikò le du yóm kdéen tau Israél. Tey wen kendengen blay Dwata ke Selumun, mung du yóm tey kadat le du yó kem tau. Yóm kendengen blayen ke Selumun yó, mkay senta yóm kendengen tehe blayen ke Dabid yóm maen.

Istér 1:3

Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Istér 1:5

Kogolen bè yó, bud wen sotu ken bong nmò yóm tau hol geta yó bè kdê yó kem tau gel dóken bè yóm gónô bongen ne bè kdê yó kem tau genlalen bè yó, lemwót bè yóm geta kólen bè glaan. Botong sotu fedyanen kegenen mò du yóm ken bong yó bè yó talak lósól yóm gónô bongen.