Istér 1:3 - Udél Dwata: Gna Kesfasad ne Lomi Kesfasad

³ Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Istér 1:3 Referans Kwoze

Mark 6:21

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm kdaw tehe ksut Hirod, deng duhen yó se kdaw Hirudiyas tnana mò yóm kóyô nmoen bè Jan. Gotu tinok Hirod yó kem tau hol geta mogot kukum, ne yó kem tau hol geta bè yó kem sendalù, ne yó kem dumu tau wen glalen bè yó bè Galili.

Danyél 5:1

Timbow deng hilu halayen miwes bè yó, lemwót Bélsasar mò ken bong bè yó kem lemibu tau genlalen, ominen mung minum tifas grép bélê le.

Istér 2:18

Yó gónóm mon, wen tey ken bong nmò Sérksis bè Istér, gotu tinoken kdê yó kem tau genlalen ne kdê yó kem tau wen hogoten kul. Gotu heglalagen bè yó kem prubinsya nogoten anì gbót le hligal béléen bè yóm kdaw yó ne wen tey kem basa blayen snéen.

1 Bok Kem Tau Hol Geta 3:15

Tódô gebtik Selumun, anì monem olo knahen. Ominen mulék ebè Jirusalim, ne mdà bè solu yóm Slungan Dwata, bè yó gónón demsù yó kem dsù gel hkekeb le ebè Dwata, ne yó kem dsù mit sefyu ebè Dwata. Ominen gotu tminok yó kem genlalen ebè yóm ken bong nmoen.

Tekang Kbuten 40:20

Tahu se, na a hto yóm tlu kdaw. Yó se yóm kdaw tehe ksut Faro. Wen tey ken bong nmoen bè yó kem genlalen. Bè yóm kdaw yó, hewà Faro yóm tau tehe gel mkay béléen ninum ne yóm geta bè yó kem gel mò mambang béléen, hdaen lu bè solu yó kem genlalen.

Danyél 8:20

Yóm ubiha logi lewu hangahen, duhen yóm lewu kem tau hol geta mogot yó kem kul benwu nogot yó kem tau Mid ne yó kem tau Pérsya.

Danyél 6:1

Bè yóm deng kogot Daryus bè Babilun, yó nmoen, nólólen bè lematu lewu folò prubinsya yóm benwu nogoten, ominen mélék kem gubérnor mò mogot bè ket prubinsya snakufen, ket sotu bè ket prubinsya.

Danyél 5:28

Parsin, yó lanen nólól. Deng nólól Dwata ne yóm kóm benwu nogot, hogoten yó kem tau Mid ne yó kem tau Pérsya.”

Istér 1:14

Yó boluy yó kem tau gel hmau du yó, Karsina ne Sitar ne Admata ne Tarsis ne Mérés ne Marsina ne Memukan. Yó se yóm hitu kem genlal geta bè yó bè Pérsya ne bè Midya.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Istér 1:4

Botong nem bulónen hegfan du bè yó kem tau tinoken yó, yó kem tey kendengenen bè yóm kkamalen ne yóm tey keheklóónen.

Istér 3:7

Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.