Istér 1:1 - Udél Dwata: Gna Kesfasad ne Lomi Kesfasad

^1-2 Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.

Istér 1:1 Referans Kwoze

Danyél 9:1

Bè yóm tanay halay kehyón le ke Daryus mò kmamal yóm benwu Babilun yóm sotu tau Mid ngà Ahasirus,

Istér 8:9

Tahu se, tódô kendel htaba Murdikay yó kem tau gel smulat bè yóm tau hol geta. Yóm kehtabahen kul yó, bè gewuhen folò tlu kdaw bè yóm getluhen bulón yóm bulón boluy le du Siban. Hsulaten kul yóm udin hwiten ebè yó kem Ju ne ebè yó kem gubérnor le ne ebè yó kem tau wen hogot le kul ne ebè kdê yó kem dumu tau wen glalen bè yó kem 127 prubinsya nogot Sérksis, lenwóten bè benwu Indya fi dmata kdaw efet kól bè benwu Sudan fi leged. Yóm sulat hwiten yó hwiten ebè ket prubinsya, hsulaten bè kul udél ne bè kul kmò ksulat. Senged se bè yó kem Ju, hsulaten bè kul udél ne bè kul kmò ksulat snéen.

Danyél 6:1

Bè yóm deng kogot Daryus bè Babilun, yó nmoen, nólólen bè lematu lewu folò prubinsya yóm benwu nogoten, ominen mélék kem gubérnor mò mogot bè ket prubinsya snakufen, ket sotu bè ket prubinsya.

Istér 9:30

Yóm sulat yó, hwit le ebè kdéen Ju nô bè klamang yó kem 127 prubinsya glem lem Pérsya. Yó nô lem yóm sulat yó duhen yóm hol kehdeen le du bè yó kem Ju yóm kenek kbenwu le ne yóm klaen dù bud knikò le.

Isaya 37:9

Okóm deng sana wen tau mit tulón ebè yó kem tau Asirya. Yó tulón nwiten, wen kem sendalù lemwót bè Idyip na a mit sgida bélê le. Yóm tau hol geta bè Sudan kun, boluyen Tirhaka fen malak kul. Bè yóm kungol yóm tau hol geta bè Asirya du yóm ni, yó gónón kendel bud hemwit sulat ebè Hisikaya

Istér 2:3

Yó kmoem du, méléki kem tau genlal bè ket prubinsya knamalem mò mebel ne mò mit kul edini béléem bè syudad Susa ne suem lu bè yóm gónô deng htólóngem bè yó kem dweyem. Hesgifaem lu ke Higay yóm tau kafun deng snaligem bè yó kem libun nfunem. Gotu blayem kul yóm kdê wen mu le du bè yóm kehtilob le.

Istér 10:1

Bè yóm benwu knamal Sérksis wen tey bwis hbayaden yóm kdéen tau snakufen, gomong le mayad snéen yó kem tau nô bè kilil mohin.