Isra 8:21 - Udél Dwata: Gna Kesfasad ne Lomi Kesfasad

²¹ Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Isra 8:21 Referans Kwoze

2 Tutul Israél 20:3

Botong likò Jihusafat, tódô kendel mni bè Dwata ke tedu nmoen. Kendel heglalagen bè klamang Juda ke hol le fasting yóm kdéen tau.

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

1 Samwél 7:6

Tahu se, gotu le stifun bè Mispa. Wen él nwa le bè kokol ne kok le bè yó bè solu Dwata ne gotu le fasting bè yóm kdaw yó, benkas le bè Dwata yóm salà le, mon le, “Deng me gemsalà bè Dwata.” Ne bè yó bè Mispa gónó Samwél gel kmukum yó kem tau Israél.

Juna 3:5

Tahu se, hentahu yó kem tau bè Ninibi yóm udél Dwata ebélê le. Yó nmò le, gotu le fasting yóm kdê le, lenwóten bè yó kem tau hol geta kkólen bè yó kem tau glaan. Gotu le mnes sakù mò gónó le hegfan du yóm deng kehegsel le.

Hlolò 16:29

Bud wen hlolò Dwata kul bè yóm kdaw kkóhen salà le ne laen kô dù sónen yóm klolò le du. Yó hloloen kul, bè yóm gesfoloen kdaw bè ghitun bulón, yó nmò yó kem tau Israél dalang se yó kem tólóng tau menwu lem blóng le, gotu le fasting ne bê le abay mò nmò.

Hlolò 23:29

Ke wen tau mken bè yóm kdaw yó, là buden gomong bè yó kem kun tau Dwata ne yóm tau yó.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kem Lingón 5:8

Nalakem ou bè yóm lan tedeng, Dwata, anì là gemmò le béléu yó kem hohonu. Hol hentedengem yóm kóm lan mò lolou.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Isaya 58:3

Mom yó udél le yó kem tau yó, mon le, “Moen de ke fasting tekuy ke là se ton Dwata du? Moen de ke là mken tekuy ke là se kenmón Dwata du?” Yó balà Dwata kul, monen, “Bè hol ktahuhen, bè yóm udas ye fasting, kulel kmò ye du yóm gónó ye mebel filak ne wen sidek nmò ye bè yó kem tau mò nmò bélê ye.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

Hlolò 16:31

Hol hetfing le yóm kdaw yó mò kdaw le fasting ne mò kdaw le là mò nmò. Yóm hlolò Dwata kul yó, laen kô dù tul sónen yóm klolò le du.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Kem Lingón 8:2

Gbót dóyón le uu yó kem ngà lemnek kkólen bè yó kem ngà tolo hebon. Mlan bè yóm kul kdóyón kóm gónóm hemseng yó kem tau gel hmohon kóm. Laen kô dù gmò le béléem.

Lista 14:31

Deng mon ye angat gotu negef kem hohon ye yó kem ngà ye okóm là. Angat gotu nwit Dwata lu etu bè tum benwu deng senkbê ye ne yó se hlós kul gónó nô.

Lista 14:3

Moen du ke nwit Dwata mi etu bè benwu Kanan? Angat me matay ditu bè gida ne yó kem yehen me ne kem ngà tekuy gotu negef le lu. Mom hyu ne ke gotu me bud mulék ebè Idyip.”

Juna 3:7

Wen udin hwiten ebè yóm kdéen tau bè Ninibi, yó monen, “Ni se udin hol lemwót bè yóm kuy Tau Geta ne bè yó kem genlalen. Hol béen tagad wen tau mken duhen ke minum él. Balù yó kem safì ne yó kem ubiha, hol bê ye tagad henken lu ne hinum lu.

2 Tutul Israél 20:4

Tahu se, tódô kdéen tau nô bè yó kem benwu glem lem Juda, gotu le stifun ebè Jirusalim mni le bè Dwata bè yó.

Nihimaya 9:1

Bè yóm gewuhen folò fat kdaw bè yóm bulón yó, gotu le bud stifun yó kem tau Israél. Bè yóm kestifun le ni là mken le, gotu le lemsek nes sakù ne hensù le kfung ta kulu le mò gónó le hegfan yóm tey kegbeng lem le.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

Kem Lingón 137:1

Myón me bè kilil yó kem él bè Babilun. Tey kkik me bè yó, gtulón bè nawa me Sayun yóm kum benwu.

Jirimaya 42:3

Hkoduhi kut bè yóm sana kut Dwata hol gónó mogot anì tngón me yóm kun kóyô bè yóm angat nmò me ne ke tedu gónó me e solu.”

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.