Isra 7:6 - Udél Dwata: Gna Kesfasad ne Lomi Kesfasad

^6-7 Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Isra 7:6 Referans Kwoze

Isra 8:22

Là mlose mni du bè yóm tau hol geta ke wen sendalù ne kem sendalù smakay kudà hmungen kum mò mentey kum bè yó kem hohon me bè lan. Yakà deng gegna tulón me du, mon me, “Yóm kum Dwata, tey kofinen yó kem tau tmaba ebéléen, okóm bè yó kem tau kmogol du tey sidek kebuten kul.”

Isra 7:28

Lemwót bè któbóngen do Dwata se gónóhu gmuta du nawa yóm tau hol geta yó, dalang se yó kem smugung béléen ne yó kem dumu genlalen alì wen kfasang le. Tey ketgelen nawahu yóm sana Dwata gónóhu mogot, yó gónón dê gwitu mulék ebè Jirusalim bè yó kem gel malak bè ket tbong Israél.”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Nihimaya 2:18

Ne tulónu kul yóm deng knô Dwata béléu ne yóm tey któbóngen do. Bud tulónu kul snéen yóm udélen ebéléu yóm tau hol geta. Yó balà le do, mon le, “Hyu se yó, nbut tekuy ne bud hdà du.” Tahu se, nbut le mò du yóm nmò yó.

Nihimaya 2:8

Ne bud benlayem se o sotu sulat mò nwitu ebè Asaf yóm geta bè yó kem tau gel mentey yó kem koyu nfunem bè yó, anì benlayen o koyu mò ngom yó kem bak tikeb yóm gónó le mentey moni klohok yóm Gónô Dwata ne bè yóm beng botu hmilol yóm syudad yó ne bè yóm gónô gónóhu angat nô.” Tahu se, gotu blay yóm tau hol geta dou yóm kdê hnihu yó lemwót bè yóm knóen béléu Dwata.

Isra 7:21

Ni udélu ebè yóm kdê tau genlal mogot filak bè prubinsya fi desdef Él Yufratis, hol géhél blay ye ke Isra nô kihu hnihen, yakà du du yóm tau gel blóng ebè Dwata gel tmolok yóm kun hlau yóm Dwata nô bè longit.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

Dwata 28:1

Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

1 Kurin 15:1

Ne ni, kem dumuhu setwoli, bud nulitu bélê ye yóm Tulón Hyu, yóm tehe le hetngónu bélê ye. Yó se yóm tulón deng henmóyô ye, ne bè yó gónón lemwót yóm kbegel kehtahu ye nim kmoen ni.

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

Isaya 59:1

Ofo kuy mon du ke yó gónó Dwata là lemwà kuy abay se là bud gbeken du ne. Ne yó gónón là hmungol du yóm gel kehtóbóng ye béléen abay se deng bokong. Là kô yó du.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Nihimaya 8:13

Timbow hayahen bè yó, lemwót yó kem gel malak bè ket tbong mung kul yó kem gel blóng ebè Dwata ne yó kem sfu Libay, gotu le mógów ebè Isra na le e hennagì yóm hlau Dwata.

Nihimaya 4:15

Tikóng gungol yó kem hohon me yóm deng ketngón me du yóm atul le eta me, tódô dilô le Dwata se fen hemseng du yóm atul le. Lemwót se kum, bud senfulék me yóm kmò me yóm beng botu yó.

Nihimaya 2:12

ne laen kô dù tau tnulónu bè yóm hmò Dwata do bè Jirusalim. Tikóng sóól buteng btike ne hewae, wen hilu nwitu bè yó kem dumuhu mung do. Tek sotu kudà nwit me són yóm kudà asnu dou snakay.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Nihimaya 8:4

Bè yóm kesfala Isra du yóm hlau Dwata yó, mdà ta yóm seel geta deng nmò le bè koyu mò gónón mdà. Wen kem tau mdà bè kwananen. Yó boluy le, Matitiya ne Sima ne Anaya ne Uriya ne Hilkaya ne Maasiya. Yó fen mdà bè iwóngen, Pidaya ne Misaél ne Malkidya ne Hasum ne Hasbadana ne Sikaraya ne Misulam.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Isra 7:5

Yóm Buki ngà Abiswa. Yóm Abiswa ngà Finihas. Yóm Finihas ngà Ilisar. Yóm Ilisar ngà Aron yóm hol geta bè yó kem tau blóng ebè Dwata.

Nihimaya 8:1

Bè yóm ghituhen bulón, deng le gotu henek ne bè yó kem kul benwu yó kem tau Israél lomi mulék. Bè yóm tanay kdaw bè yóm bulón yó, gotu le stifun bè Jirusalim bè yóm plasa moni bè yóm bak tikeb boluy le du Bak Tikeb Él. Yó nmò le, hwa le ke Isra yóm bok gónóhen nô yó kem Hlau Dwata, yó kem hlau tehe blay Dwata yó kem tau Israél hlanen bè Musis. Nim Isra ni, tau gel blóng ebè Dwata ne megdidif ketngónen du yóm hlau Dwata.

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Kem Lingón 80:18

Là kô me na a bud skó béléem, Dwata. Hol hlowilem mi, ne angat tey kdóyón me kóm.

Kem Lingón 109:27

Htonem yó kem hohonu deng uu se yóm lemwà do, són uu se, Dwata, yóm deng mò du.

Kem Lingón 147:19

Deng hetngónen ke Jakub yóm udélen, ne bè kem tau Israél gónón hetngón du yó kem hlauhen ne yó kem dumu hloloen kul.