Isra 7:23 - Udél Dwata: Gna Kesfasad ne Lomi Kesfasad

²³ Kóyóu ke hol blay ye bè yóm Dwata nô bè longit yóm wen muhen du bè yóm kun Gónô, abay se là móyóe du ke wen gónón lembut do bè yóm kogotu benwu dalang se yó kem ngau.

Isra 7:23 Referans Kwoze

Kem Lingón 119:4

Deng wen hmoem kum, Dwata, duhen yóm hol kimón me yó kem hlauhem kum.

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Isra 7:18

Ke wen lukasen yóm filak yó, gbek ye bemli du yóm knóyô benli ye syan ke deng ssotu nawa ye du ne ke lemwót bè kun kóyô yóm kuy Dwata.

Isra 7:13

Ni hol udélu ebè kdê yó kem tau Israél bè klamang yóm benwu nogotu dalang se ebè yó kem tau gel blóng ebè Dwata ne ebè yó kem sfu Libay, ke móyô le mung kóm mulék ebè Jirusalim, hol le mung.

Isra 7:22

Ke wen blówón bukay hnihen bélê ye, gbek ye bemlay du gefet bè 3,400 kilu ne ke mni bélê ye halay, gbek ye bemlay du gefet bè 10,000 kilu ne ke mni bélê ye yóm gel ninum ye, gbek ye bemlay du gefet bè 2,000 litru ne ke mni bélê ye hnolo ulib, gbek ye bemlay du gefet bè 2,000 litru. Ne nô kbong kahì hnihen bélê ye, hol blay ye du snéen.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”