Isra 7:21 - Udél Dwata: Gna Kesfasad ne Lomi Kesfasad

²¹ Ni udélu ebè yóm kdê tau genlal mogot filak bè prubinsya fi desdef Él Yufratis, hol géhél blay ye ke Isra nô kihu hnihen, yakà du du yóm tau gel blóng ebè Dwata gel tmolok yóm kun hlau yóm Dwata nô bè longit.

Isra 7:21 Referans Kwoze

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Isra 6:6

Bè yóm kton Daryus du yóm tehe snulat Sirus yó, wen udél hwiten ebè yó kem tau smulat ebéléen yó koni, monen, “Nim sulat ni, hwitu ebéléem, Tatinay yóm gubérnor bè yóm benwu fi desdef Él Yufratis ne ebéléem Sitar Businay ne ebè yó kem dumu genlal ye bè yó fi desdef Él Yufratis. Hol bê ye hloni edu yóm Gónô Dwata hdà le bè yó

Isra 7:1

Timbow deng hilu halayen miwes bè yó bè yóm igoen tolo mogot bè Pérsya Artasérksis, wen sotu tau boluyen Isra semfu gu bè yóm tehe Aron, yóm hol tanay tau blóng ebè Dwata. Ni se kmò kesektol yó kem gónón gu semfu Isra. Yóm Isra ngà Siraya. Yóm Siraya ngà Asariya. Yóm Asariya ngà Hilkaya.

Isra 7:22

Ke wen blówón bukay hnihen bélê ye, gbek ye bemlay du gefet bè 3,400 kilu ne ke mni bélê ye halay, gbek ye bemlay du gefet bè 10,000 kilu ne ke mni bélê ye yóm gel ninum ye, gbek ye bemlay du gefet bè 2,000 litru ne ke mni bélê ye hnolo ulib, gbek ye bemlay du gefet bè 2,000 litru. Ne nô kbong kahì hnihen bélê ye, hol blay ye du snéen.

Nihimaya 2:7

Ominu bud mon du mò du, “Ke yó dum hyu béléem, benlayem o sulat mò nwitu ebè yó kem gubérnor bè prubinsya fi desdef Él Yufratis anì hlan le o lem yó kem benwu nogot le bè yóm kógówu ebè Juda.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Kem Lingón 119:4

Deng wen hmoem kum, Dwata, duhen yóm hol kimón me yó kem hlauhem kum.