Isra 7:16 - Udél Dwata: Gna Kesfasad ne Lomi Kesfasad

¹⁶ Bud nwitem snéen yó kem kdê blówón bukay ne tahu blówón blay le kuy yó kem tau bè klamang prubinsya Babilun, dalang se yóm kul blay yó kem tau Israél ne yó kem tau blóng ebè Dwata, yóm blay le ebè yóm Gónô Dwata bè Jirusalim.

Isra 7:16 Referans Kwoze

1 Tutul Israél 29:6

Duhen yó, gotu le bemlay yó kem malak bè ket fes lówó yó kem tbong Israél, yó kem kmandér malak bè libuhen ne yó kem kfitan malak bè latuhen, ne yó kem genlal bè yóm tau hol geta, tódô lemwót lem but blutut le yóm keblay le.

Isra 1:6

Tódô kdê yó kem dumu le sebét gotu tmóbóng kul mlan bè yó kem tey dê blay le kul. Benlay le lu yó kem tukung blówón bukay ne kem tukung tahu blówón. Bud blay le kul snéen yó kem kdê wen mu le du bè lan. Ne wen kem ógóf lemulón blay le kul ne wen se kem dumu kimu mebtes ne wen se yóm blay le kul mò bud blay le ebè Gónô Dwata.

Isra 1:4

Bè yóm bud kulék le ebè Jirusalim ni kem tau ni, yó mò fen tmóbóng kul, duhen yó kem dumu le negef tolo tebel. Hol benlay le lu, kem blówón bukay ne tahu blówón, ne yó kem wen mu le du bè lan ne yó kem ógóf mò fen lemulón, hol néen yóm mò blay le bè yóm kun Gónô Dwata bè Jirusalim.” Yó se yóm udél snulat Sirus.

1 Tutul Israél 29:9

Ya tey kehligal yó kem tau lemwót bè yóm hol kewóten lem but blutut le yó kem blay le ebè Dwata yó, dalang se ke Dabid, tey kehligalen se kun.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

2 Tutul Israél 6:2

Okóm ni, denge hemdà béléem yóm tey Gónô tilob mò gónóhem nô, ne laen kô dù tul sónen yóm knóem lemen.”

2 Tutul Israél 6:5

‘Lemwót bè yóm kdaw tehe kehewau kul gu bè Idyip yó kem dou tau, laen kô deng syudad néléku he bè yó kem tbong Israél ke mò gónó le hdà yóm dou gónô, yóm gónô mò mit yóm dou boluy. Ne laen dù deng néléku mò malak yó kem dou tau.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

2 Tutul Israél 31:14

Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen.

Kem Lingón 135:21

Hol dóyón tekuy Dwata gu bè Sayun, yakà bè ni du bè Jirusalim gónóhen nô. Hol dóyón tekuy Dwata.