Isra 7:13 - Udél Dwata: Gna Kesfasad ne Lomi Kesfasad

¹³ Ni hol udélu ebè kdê yó kem tau Israél bè klamang yóm benwu nogotu dalang se ebè yó kem tau gel blóng ebè Dwata ne ebè yó kem sfu Libay, ke móyô le mung kóm mulék ebè Jirusalim, hol le mung.

Isra 7:13 Referans Kwoze

Isra 6:1

Duhen yó lemwót Daryus yóm tau hol geta bè Pérsya, bè yóm kdaw yó gotu hfebelen yóm tehe snulat Sirus ekni, yóm tehe gel henyu le bè Babilun.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Kem Lingón 148:6

Bud bè udélen snéen gónón tódô wen mdengen gónó le nô, ne là kô gbek le tô mulé du yóm udélen yó.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Istér 9:14

Tahu se, nmò yóm tau hol geta yóm hnihen yó ne gotu heglalag le bè yó bè Susa. Yóm lówó yó kem sfolò ngà Haman logi tódô tléwéng le bè yó anì tódô kdéen tau mton kul.

Istér 3:15

Lemwót bè udél yóm tau hol geta, gotu heglalag le yóm udin yó bè yó bè Susa. Ne bud nwit yó kem tau gel mit sulat alì hlóng ebè yó kem prubinsya. Okóm ke Sérksis kun lewu le Haman deng le mom seyón minum. Blaem yó kem tau bè yó bè syudad Susa ya tey sidek kesbeweg le.

Isra 1:3

Yóm kdê ye kem kun tau Dwata tehe negef, hol ye bud mulék ebè Jirusalim bè benwu Juda na ye e bud hdà yóm kun Gónô Dwata yóm sana kuy Dwata hol gónó mogot kem tau Israél, yóm Dwata nô bè Jirusalim. Yó hem sana kuy Dwata tendo nô bélê ye.

2 Tutul Israél 30:5

Duhen yó, heglalag le bè klamang Israél, lenwóten bè Birsiba fi leged efet kól etu bè Dan fi bwak yóm gotu ktinok le yóm kdéen tau anì mógów le ebè Jirusalim na le e hnigal yóm kun Kdaw Khius Dwata yóm Dwata yó kem tau Israél. Bè yó kem halay gnan, là kô deng du ni he kwen yó kem tau hmigal du yóm Kdaw Khius, lómón yóm hloloen kul bè hlau Dwata.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.