Isra 7:12 - Udél Dwata: Gna Kesfasad ne Lomi Kesfasad

¹² “Nim sulat ni lemwót bè Artasérksis yóm tau hol geta senta yó kem dumu tau hol geta. Smulate ebè Isra yóm tau blóng ebè Dwata, yóm tau hulung tmolok du yóm kun hlau yóm Dwata nô bè longit.

Isra 7:12 Referans Kwoze

Danyél 2:37

Ne uu se yóm tau hol geta hol geta senta yó kem dumu tau hol geta. Yóm Dwata nô bè longit, du se hlamang yóm benwu nogotem ne bemlay kóm kfasang ne yóm kgisem mogot benwu. Ne bud du se htótól boluyem.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

1 Timuti 6:15

Bè yóm kesfuléken yó, kun buteng du Dwata. Tek són du fen mogot yóm klamangen, ne tey hyu kogoten du. Du se hol geta bè kdéen tau hol geta, du se gónó le mogot yóm kdéen gónó mogot.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Isaya 10:8

Yó udélen heklabak, monen, “Ket tau malak yó kem sendaluu, tey kfasang le lómón ke tau le geta.

1 Bok Kem Tau Hol Geta 4:24

Gotu bud homong knamal Selumun snéen yóm Él Yufratis fi bwak nbuten bè benwu Tifsa efet kól etu bè syudad Gasa. Tey menek yó kem benwu hmilol du.

Isra 7:1

Timbow deng hilu halayen miwes bè yó bè yóm igoen tolo mogot bè Pérsya Artasérksis, wen sotu tau boluyen Isra semfu gu bè yóm tehe Aron, yóm hol tanay tau blóng ebè Dwata. Ni se kmò kesektol yó kem gónón gu semfu Isra. Yóm Isra ngà Siraya. Yóm Siraya ngà Asariya. Yóm Asariya ngà Hilkaya.

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Isra 7:11

Wen sulat hwit Artasérksis ke Isra yóm tau gel blóng ebè Dwata, alì temngón du yóm kdê hlau Dwata yó kem tau Israél. Yó lem yóm sulaten, monen,

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.