Isra 7:10 - Udél Dwata: Gna Kesfasad ne Lomi Kesfasad

¹⁰ Nim Isra monen ni, tódô hotuhen nawahen hemnagì du yó kem hlau Dwata, lelen mimón du ne gotu toloken yó kem tau Israél yóm kdê deng hlolò Dwata kul.

Isra 7:10 Referans Kwoze

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

Matyu 7:24

“Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

Malakay 2:7

Yó kem tau gel blóng ebéléu, hyu ke hol tngón le yóm dou kóyô ne ke hol tolok le bè yó kem tau. Ke wen tau móyô temngón du yóm hlau Dwata bélê le gónón smólók, abay se lu hógów yóm Dwata laen dù là gbeken du.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kem Lingón 1:2

Yó dé gónó le hligal ke nimón le yó kem hlau Dwata, ne ke là skóhen yóm tendo kehedem le du, ket kdaw ne ket kifu.

Isra 7:25

Ne uu, Isra, lemwót bè yóm tey khulung hedem blayen kóm yóm kóm Dwata, uu fen mélék kul yó kem tau mò fen mogot du yó kem fsinà ye ne mò fen kmukum yóm kdê ye nô fi desdef Él Yufratis. Nélékem yó kem tau temngón du yó kem kun Hlau yóm kuy Dwata. Hol bud tolokem yó kem Hlau Dwata yó bè yó kem tau là deng temngón du he.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

1 Tutul Israél 29:18

Ó Dwata yóm Dwata fù me Abraham, Isak ne Israél, hol tendo suem lem hendem yó kem kóm tau yóm klaen kô dù tul sónen yóm óyô le mimón kóm. Hol tnóbóngem lu anì là megetlesen yóm kbong nawa le kóm.

Kem Lingón 10:17

Ó Dwata, deng eles tngónem yóm nefet nawa le yó kem tau laen dù gmò le. Henklinguhem yó kem hni le, ne henyuhem nawa le.

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Taytus 2:1

Okóm kóm du, hol tolokem kul yóm segtón ebè yóm tahu tolok.

Kem Lingón 119:45

Laen dù bud gónów gfét, abay se hotuhu nawahu mimón du yó kem hlauhem.

Kem Lingón 57:7

Tek sónen uu, Dwata, yóm gónón hol nô nawahu. Lingónu yóm lingón dmóyón kóm.

2 Tutul Israél 30:22

Tey kdóyón Hisikaya kul yó kem sfu Libay bè yóm tey dê kenhulung hegfan le bè yóm kmò le nmò bè Dwata. Duhen yó, hitu kdaw le mò du yóm kehligal yó. Dsù le yóm dsù mit sefyu ebè Dwata, ne gotu benkas yó kem tau ebè Dwata yó kem salà le bè yóm Dwata yó kem tehe fù le.

2 Tutul Israél 19:3

Okóm wen se hyu bè yó kem gel nmoem, duhen yóm kkóhem du bè klamang Juda yó kem hehek yóm dwata kéng boluyen Asira. Ne sotuhen yóm hol knóen bè nawahem yóm kebelem du yóm kun kóyô Dwata.”

2 Tutul Israél 12:14

Deng mom nmò Rihubuam yóm sidek bè kton Dwata du, abay se monem là lemwóten lem but blututen yóm kloloen ke Dwata.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

Kul Nmò 1:1

Yó Sér Tyufilus, Bè yóm tanay sulatu ebéléem, tulónu kóm yóm kdê tehe gel nmò Jisas ne yóm gel toloken lemwót bè kbuten

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Matyu 5:19

Duhen yó, ke wen tau mulé du yó kem hlau yó, balù yó kem olo leneken, ne ke deng mom bud niten kem dumuhen tau mulé du, du se yóm hol glaan bè yó kem tau nogot Dwata bè longit. Okóm yóm tau mimón du yó kem hlau yó, ne lelen tmolok du bè yó kem dumun anì nimón le se kul, angat geta boluyen lem blóng yó kem tau nogot Dwata bè longit yóm tau yó.

Isra 7:11

Wen sulat hwit Artasérksis ke Isra yóm tau gel blóng ebè Dwata, alì temngón du yóm kdê hlau Dwata yó kem tau Israél. Yó lem yóm sulaten, monen,

Kem Lingón 119:112

Deng eles hendemu ne yóm kimónu du yó kem hlauhem efet kól bè kukol towoku.