Isra 7:1 - Udél Dwata: Gna Kesfasad ne Lomi Kesfasad

¹ Timbow deng hilu halayen miwes bè yó bè yóm igoen tolo mogot bè Pérsya Artasérksis, wen sotu tau boluyen Isra semfu gu bè yóm tehe Aron, yóm hol tanay tau blóng ebè Dwata. Ni se kmò kesektol yó kem gónón gu semfu Isra. Yóm Isra ngà Siraya. Yóm Siraya ngà Asariya. Yóm Asariya ngà Hilkaya.

Isra 7:1 Referans Kwoze

Nihimaya 2:1

Timbow deng fat bulónen bè yó, bè yóm gewuhen folò halay kegenen mogot benwu Artasérksis, bè yóm sotu kdaw igoen mken yóm tau hol geta yó, kayu ebéléen yóm gel ninumen. Là kô deng hnikót tonen dou he ke lembang nawahu,

Isra 7:21

Ni udélu ebè yóm kdê tau genlal mogot filak bè prubinsya fi desdef Él Yufratis, hol géhél blay ye ke Isra nô kihu hnihen, yakà du du yóm tau gel blóng ebè Dwata gel tmolok yóm kun hlau yóm Dwata nô bè longit.

Isra 7:12

“Nim sulat ni lemwót bè Artasérksis yóm tau hol geta senta yó kem dumu tau hol geta. Smulate ebè Isra yóm tau blóng ebè Dwata, yóm tau hulung tmolok du yóm kun hlau yóm Dwata nô bè longit.

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

2 Bok Kem Tau Hol Geta 22:4

“Mógówi etu bè Hilkaya yóm geta bè yó kem tau gel blóng ebè Dwata. Hsóhem du yóm kdê filak deng nwit yó kem tau ebè Gónô Dwata, yóm gel sentifun yó kem tau blóng ebè Dwata gel mentey bè bak tikeben.

Isra 7:10

Nim Isra monen ni, tódô hotuhen nawahen hemnagì du yó kem hlau Dwata, lelen mimón du ne gotu toloken yó kem tau Israél yóm kdê deng hlolò Dwata kul.

2 Tutul Israél 34:15

Yó mon Hilkaya mò ke Syafan yóm tau fen gel smulat, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó.

2 Tutul Israél 34:9

Mógów le etu bè Hilkaya yóm geta bè yó kem tau gel blóng ebè Dwata, nim tlu kem tau ni. Blay le du yóm filak deng nwit yó kem tau ebè Gónô Dwata, yóm gel sentifun yó kem sfu Libay gel mentey bè yó bè bak tikeb yóm Gónô Dwata. Yóm basa nwit le yó lemwót gu bè yó kem sfu Manasi, ne sfu Ifraim, ne bè yó kem dù tau tebel bè Israél, dalang se yó kem tau bè klamang Juda ne Bindyamin, ne yó kem tau bè Jirusalim.

2 Bok Kem Tau Hol Geta 25:18

Negef yóm kmandér yó snéen Siraya yóm geta bè yó kem tau gel blóng ebè Dwata, ne Sifanaya yóm geta tmodol bè Siraya, ne yóm tlu gel mentey bè bak tikeb yóm Gónô Dwata.

2 Bok Kem Tau Hol Geta 22:8

Tahu se, lemwót Syafan yóm tau fen gel smulat, mógów ebè Hilkaya yóm tau gel blóng ebè Dwata. Yó mon Hilkaya mò ke Syafan, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó ne senfala Syafan.

Isra 7:2

Yóm Hilkaya ngà Syalum. Yóm Syalum ngà Sadok. Yóm Sadok ngà Ahitub.

Nihimaya 8:1

Bè yóm ghituhen bulón, deng le gotu henek ne bè yó kem kul benwu yó kem tau Israél lomi mulék. Bè yóm tanay kdaw bè yóm bulón yó, gotu le stifun bè Jirusalim bè yóm plasa moni bè yóm bak tikeb boluy le du Bak Tikeb Él. Yó nmò le, hwa le ke Isra yóm bok gónóhen nô yó kem Hlau Dwata, yó kem hlau tehe blay Dwata yó kem tau Israél hlanen bè Musis. Nim Isra ni, tau gel blóng ebè Dwata ne megdidif ketngónen du yóm hlau Dwata.