Isra 6:8 - Udél Dwata: Gna Kesfasad ne Lomi Kesfasad

⁸ Ni mò hol hlauhu kuy, hol tnóbóng ye lu bè yóm bud kehdà le du yóm Gónô Dwata yó. Yó kem deng gamà le, gotu bnayad ye lemwót bè yó kem bwis yó kem dou tau nô fi desdef Él Yufratis anì henlel yó kem Ju mò du yóm nmò le.

Isra 6:8 Referans Kwoze

Isra 6:4

Yó kmò le du yóm bengen, bè ket tlu sodò botu sal wen koyu blóng le du. Tódô kdê yó kem deng gamà bè yóm Gónô Dwata yó, fen bnayad yóm tau mogot filak bè fesinà yóm tau hol geta.

Hagay 2:8

Hono dou yóm kdéen tahu blówón ne kdéen blówón bukay bè klamangen benwu.

Isra 6:7

ne bê ye tlek hnala yóm kehdà le du. Tódô bayà ye bè yóm gubérnor bè Juda ne bè yó kem tau gel malak yó kem Ju anì bud hdà le bè yóm sana tehe gónón mdà.

Isra 6:9

Ket kdaw, hol blay ye bè yó kem tau gel blóng ebè Dwata bè Jirusalim yóm wen mu le du bè yóm gel kedsù le ebè Dwata. Benlay ye lu kem ngà safì tudu ne yó kem ubiha logi ne kem ngà ubiha mò dsù hkekeb le ebè yóm Dwata nô bè longit. Bè yóm gel kedsù le, ke wen mu le du halay duhen ke kahì duhen ke yóm gel ninum le duhen ke hnolo ulib, hol blay ye kul ket kdaw.

Isra 7:14

Ni se dou udél ne udél yó kem hitu smugung béléu. Hógów me uu ebè Jirusalim anì nam e hnénég ke tedu mò kmoen ditu bè Jirusalim ne bè Juda. Hol hnénégem ke nimón le yó kem hlau yóm sana kuy Dwata, yó kem hlau deng sigang Dwata tahem.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

Nihimaya 2:8

Ne bud benlayem se o sotu sulat mò nwitu ebè Asaf yóm geta bè yó kem tau gel mentey yó kem koyu nfunem bè yó, anì benlayen o koyu mò ngom yó kem bak tikeb yóm gónó le mentey moni klohok yóm Gónô Dwata ne bè yóm beng botu hmilol yóm syudad yó ne bè yóm gónô gónóhu angat nô.” Tahu se, gotu blay yóm tau hol geta dou yóm kdê hnihu yó lemwót bè yóm knóen béléu Dwata.