Isra 6:6 - Udél Dwata: Gna Kesfasad ne Lomi Kesfasad

⁶ Bè yóm kton Daryus du yóm tehe snulat Sirus yó, wen udél hwiten ebè yó kem tau smulat ebéléen yó koni, monen, “Nim sulat ni, hwitu ebéléem, Tatinay yóm gubérnor bè yóm benwu fi desdef Él Yufratis ne ebéléem Sitar Businay ne ebè yó kem dumu genlal ye bè yó fi desdef Él Yufratis. Hol bê ye hloni edu yóm Gónô Dwata hdà le bè yó

Isra 6:6 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Isra 6:7

ne bê ye tlek hnala yóm kehdà le du. Tódô bayà ye bè yóm gubérnor bè Juda ne bè yó kem tau gel malak yó kem Ju anì bud hdà le bè yóm sana tehe gónón mdà.

Isra 6:13

Tahu se, lemwót Tatinay yóm gubérnor bè yóm benwu fi desdef Él Yufratis, dalang se ke Sitar Businay ne yó kem dumu le genlal, tódô kendel nmò le yó kem hmò Daryus kul.