Isra 6:5 - Udél Dwata: Gna Kesfasad ne Lomi Kesfasad

⁵ Sotuhen, wen yó kem kimu tehe nuku Nibukadnisar lem yóm Gónô Dwata bè Jirusalim ne nwiten ebè Babilun, hono kem kimu nmò le bè tahu blówón ne bè blówón bukay. Ne ni, gotu bud hulék Sirus lu ebè Jirusalim anì bud hulék le lu bè yóm sana tehe gónó le nô lem yóm Gónô Dwata.” Ni se udél tehe hsulat Sirus.

Isra 6:5 Referans Kwoze

Danyél 5:2

Yóm igò Bélsasar minum, gotu hfangayen yó kem tegayan tahu blówón ne tegayan blówón bukay tehe nwa maen Nibukadnisar gu lem yóm Gónô Dwata bè Jirusalim. Hfangayen mò gónón minum dalang se yó kem genlalen ne kem yehenen ne yó kem libun tódô nmuhen.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

2 Bok Kem Tau Hol Geta 24:13

Gotu nwit Nibukadnisar yóm kdéen kimu legen alì mebtes nô lem Gónô Dwata ne lem gónô bong yóm tau hol geta. Gotu bentuen snéen yóm kdéen kimu tahu blówón tehe sù Selumun yóm tau hol geta bè Israél, lem yóm Gónô Dwata, hol lómón yóm tehe mon Dwata.

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

2 Tutul Israél 36:18

Gotu nuku yóm tau hol geta bè Babilun kdê yó kem ngom mebtes wen mu le du lem yóm Gónô Dwata. Nukuhen snéen yó kem dumu kimu mebtes henyu le lemen kkólen bè yóm kimu mebtes yóm tau hol geta bélê le, ne kul kimu mebtes yó kem tau genlal bè yó. Tódô gotu nwiten bè yóm kuléken ebè Babilun yóm kdê deng nukuhen yó.