Isra 6:4 - Udél Dwata: Gna Kesfasad ne Lomi Kesfasad

⁴ Yó kmò le du yóm bengen, bè ket tlu sodò botu sal wen koyu blóng le du. Tódô kdê yó kem deng gamà bè yóm Gónô Dwata yó, fen bnayad yóm tau mogot filak bè fesinà yóm tau hol geta.

Isra 6:4 Referans Kwoze

1 Bok Kem Tau Hol Geta 6:36

Bè lósól yóm Gónô Dwata yó, wen beng hmò Selumun hilolen. Yó kmoen du, bè ket tlu sodò botu, snodoen koyu sidar.

Kem Lingón 68:29

Wen tey basa nwit le ebéléem ebè Gónóem bè Jirusalim yó kem tau hol geta lemwót bè klamangen benwu.

Deng Hegfan 12:16

Okóm fen tnóbóng tonok yóm libun. Yó nmoen, tódô sgawag anì tódô gotu mlel elemen yóm él gu lem bak yóm swaga.

Isaya 49:23

Yó kmò yó kem tau hol geta mogot bè yó kem benwu yó, lómón ke hol ngà le yu. Ne yó kem libun boi yehen le, lómó kmò le ebélê ye lómón ke hol kuy yê. Tey keheglaan le ebélê ye ne tey kadat le kuy. Angat wen lan le hegfan du ebélê ye yóm kadat le kuy. Bè yóm kmò le ebélê ye yó, bè yó gónó ye temngón du ou se yóm Dwata gónó ye mogot. Laen dù tau sidek nawan ke nangaten yóm któbóngu du.

Kem Lingón 72:10

Yó kem tau hol geta bè kem Kestilà, ne yó kem tau hol geta bè yó kem hungul te mohin, gotu le angat mógów ebéléen na le e benlay basa. Dalang se yóm tau hol geta bè benwu Syiba ne yóm tau hol geta bè benwu Siba, gotu le angat mógów ebéléen na le e benlay basa.

Isra 6:8

Ni mò hol hlauhu kuy, hol tnóbóng ye lu bè yóm bud kehdà le du yóm Gónô Dwata yó. Yó kem deng gamà le, gotu bnayad ye lemwót bè yó kem bwis yó kem dou tau nô fi desdef Él Yufratis anì henlel yó kem Ju mò du yóm nmò le.

Isra 3:7

Bè yóm kbut kehdà le du yóm Gónô Dwata, yó nmò yó kem tau Israél, wen filak blay le mò mayad yó kem tau hulung kemleng botu ne yó kem tau hulung hemdà gónô. Ne wen kem koyu sidar nwa le bè yó kem tau bè syudad Tayal ne bè syudad Sidon. Yó wa le du bélê le, lenuluk le ken ne yóm gel ninum le ne hnolo ulib. Hono kem koyu sidar lemwót bè bulul yóm benwu Libanun. Yó lan le mit du hetów le te Mohin Miditiranyan, dmuung bè yóm syudad bè kilil mohin boluyen Jupa. Kdê ni kem nmò le ni, hono lemwót bè kun kóyô Sirus yóm tau hol geta bè Pérsya.