Isra 6:12 - Udél Dwata: Gna Kesfasad ne Lomi Kesfasad

¹² Ke wen tau hol geta duhen ke wen sotu but tau tô là mimón du nim monu ni, duhen ke genbaen yóm Gónô Dwata bè yó, Dwata he gemlà du yóm tau yó yóm Dwata deng mélék yóm benwu Jirusalim, mò gónó le tmaba ebéléen. Ou se Daryus gónóhen lemwót nim udél ni. Hol béen abay wen tau tô smonol du.”

Isra 6:12 Referans Kwoze

1 Bok Kem Tau Hol Geta 9:3

Yó mon Dwata mò du, “Deng gotu gungolu yóm knihem béléu. Deng hetfingu yóm Gónóu deng hdaem ni ne laen dù sónen yóm kwiten du yóm dou boluy. Tendo tnanudu ne knudungu etahen.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Kul Nmò 9:5

Mon Sol se, “Tmau kóm de, Sér?” Monen se, “Ou se Jisas, yóm tendo hnayamem.

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Isaya 60:12

Okóm yó kem benwu là mimón kóm, angat gotu genbau.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kem Lingón 5:10

Ó Dwata, hbóem kul yóm sidek nmò le. Hebtangem lu bè yóm kul udél. Lemwót bè yóm kdê salà nmò le, lohem lu mayuk, yakà deng natù le kóm.

Istér 8:14

Duhen yó lemwót bè udél yóm tau hol geta, tódô le lemwót yó kem tau fen meted du yó kem sulat yó, snakay le yó kem kudà yóm tau hol geta ne ya tey kehlóy le yó kem kudà le. Yóm udin yó bud glalag bè yó bè Susa, bè yóm gónô bong gónóhen nô yóm tau hol geta.

2 Tutul Israél 7:16

Yakà deng néléku du yóm Gónô ni, ne deng hetfingu anì laen dù tul sónen yóm kwiten du yóm dou boluy. Angat tendo tnanudu ne eles tendo nô du nawahu.

Isra 6:13

Tahu se, lemwót Tatinay yóm gubérnor bè yóm benwu fi desdef Él Yufratis, dalang se ke Sitar Businay ne yó kem dumu le genlal, tódô kendel nmò le yó kem hmò Daryus kul.

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

Isra 7:15

Wen kem tahu blówón ne blówón bukay lemwót bélê me mò blay me ebè yóm kuy Dwata kem tau Israél yóm Dwata gmónô lem blóng ye bè Jirusalim. Hol nwitem nim blay me ni bè yóm kulékem ebè Jirusalim.

Isra 7:26

Ke wen tau là mimón du yó kem Hlau yóm kuy Dwata duhen ke là nimónen du yó kem udin lem nim benwu nogotu ni, hol kendel tnafak ye. Kihu ke tódô hnatay ye duhen ke tódô hdó ye bè yóm benwu yó, duhen ke gotu nwa ye yóm kdê nfunen, duhen ke tódô heblanggù ye.” Yó se yóm udél snulat Artasérksis yóm tau hol geta bè Pérsya.

Isra 7:17

Hol ten-gamahem nim filak monu ni. Són olo muhen mò bli ye safì tudu ne kem ubiha logi ne kem ngà ubiha ne mò bli ye halay ne yóm gel ninum ye mò mung bè yóm gel dsù ye bè yóm gónó demsù bè yóm Gónô Dwata bè Jirusalim.