Isra 6:10 - Udél Dwata: Gna Kesfasad ne Lomi Kesfasad

¹⁰ Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Isra 6:10 Referans Kwoze

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

Isra 7:23

Kóyóu ke hol blay ye bè yóm Dwata nô bè longit yóm wen muhen du bè yóm kun Gónô, abay se là móyóe du ke wen gónón lembut do bè yóm kogotu benwu dalang se yó kem ngau.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Isra 6:9

Ket kdaw, hol blay ye bè yó kem tau gel blóng ebè Dwata bè Jirusalim yóm wen mu le du bè yóm gel kedsù le ebè Dwata. Benlay ye lu kem ngà safì tudu ne yó kem ubiha logi ne kem ngà ubiha mò dsù hkekeb le ebè yóm Dwata nô bè longit. Bè yóm gel kedsù le, ke wen mu le du halay duhen ke kahì duhen ke yóm gel ninum le duhen ke hnolo ulib, hol blay ye kul ket kdaw.

Danyél 2:46

Omin Nibukadnisar tódô mtud uyóhen bè solu Danyél ne tey kdóyónen du. Dóken yó kem tauhen anì wen dsù le béléen ne mtem le insinsu bè soluhen.

Kehewà 12:32

Gotu nwit ye kem ubiha ye ne kem kambing ye ne kem safì ye. Géhél ye lemwót ne, ne hol ye mni béléu se do bè Dwata.”

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.