Isra 6:1 - Udél Dwata: Gna Kesfasad ne Lomi Kesfasad

¹ Duhen yó lemwót Daryus yóm tau hol geta bè Pérsya, bè yóm kdaw yó gotu hfebelen yóm tehe snulat Sirus ekni, yóm tehe gel henyu le bè Babilun.

Isra 6:1 Referans Kwoze

Kem Udél Hlalak Tehe Selumun 25:2

Lemwót bè yóm là gotu ketngón tau du yóm kdéen, gónón megdóyón Dwata ne bud le megdóyón se yó kem tau hol geta bè khulung le mebel yóm ktahuhen ne ktedeng kukum.

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

Isikél 2:9

Tahu se, wen sigel tonu nogoten yóm sulat lenulun.

Jirimaya 36:32

Tahu se, bud wen klatas lenulun nwa Jirimaya ne hsulaten ke Baruk yóm tau fen gel smulat béléen yóm udél Dwata, bud tulónen du. Gotu bud snulat Baruk yóm udél Dwata deng nô bè yóm gna sulat lenulun ntem Jihuyakim ne wen he kem dumu udél Dwata bud hsulat Jirimaya mò tnuen.

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.

Kem Lingón 40:7

Ne tahu se, gungolu uu, ne yó monu mò kóm, “Ni ou. Yó kem kóm hlolò dou, hono lemwót lem yóm bok gónón nô yó kem kóm hlau.

Isikél 3:1

Yó udélen ebéléu yóm mudél yó koni, monen, “Ó Tau Tonok, kenem yóm sulat lenulun ni. Ominem lemwót nam e tulón bè yó kem tau Israél yóm udél nô lemen.”

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

Isra 7:13

Ni hol udélu ebè kdê yó kem tau Israél bè klamang yóm benwu nogotu dalang se ebè yó kem tau gel blóng ebè Dwata ne ebè yó kem sfu Libay, ke móyô le mung kóm mulék ebè Jirusalim, hol le mung.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.