Isra 3:9 - Udél Dwata: Gna Kesfasad ne Lomi Kesfasad

⁹ Yó kem sfu Libay yó, duhen le Jéswa ne yó kem ngaen logi gomong kem dumuhen setwoli ne Kadmiyél ne yó kem ngaen logi lemwót bè tbong Hudabiya, gotu stóbóng smolu du yóm bud kehdà le du yóm Gónô Dwata yó. Bud le tmóbóng snéen yó kem sfu Libay lemwót bè tbong Hinadad.

Isra 3:9 Referans Kwoze

Isra 3:8

Duhen yó, deng lewu halay bud lewu bulón le deng kól bè Jirusalim, omin le yó mbut hemdà du yóm Gónô Dwata. Tódô kdê yó kem tau tehe negef deng bud mulék gotu semtóbóng mò nmò, gomong lemen le Sirubabél yóm ngà Syaltil, ne Jéswa yóm ngà Jihusadak kkólen bè yó kem dumuhen gel blóng ebè Dwata ne yó kem sfu Libay. Yó fen mogot du yóm bud kehdà le yóm Gónô Dwata yó, duhen yó kem sfu Libay deng lewu folò halayen duhen ke deng mukas.

1 Tutul Israél 23:4

Yó mon Dabid mò kul, “Bè ni kem sfu Libay ni, lewu folò fat libu bélê le mò fen mogot yó kem nmò lem yóm Gónô Dwata. Yóm nem libu mò fen genlal ne mò fen kmukum.

2 Tutul Israél 34:12

Tey kmò le nmò yó kem tau bud temlob yóm Gónô Dwata yó. Yó fen malak kul yó kem sfu Libay, Jahat ne Ubadaya kun tbong Mirari, ne Sikaraya ne Misulam kun tbong Kuhat. Okóm yó kem dumu sfu Libay, tódô kdê le hulung semngal mung bè yó kem gel nuni le.