Isra 3:5 - Udél Dwata: Gna Kesfasad ne Lomi Kesfasad

⁵ Bud nmò le se yó kem dumu gel dsù le ket kdaw dalang se yóm dsù bè yóm kehligal le bè ksut yóm Lomi Bulón. Ne bud nmò le se yó kem dsù bè yóm kehligal gel nmò le sulék sfalay. Ne bud wen se yó kem dumu dsù tódô lemwót bè kul nawa yó kem tau.

Isra 3:5 Referans Kwoze

Dwata 12:17

Okóm yó kem ógóf gel dsù ye ebè Dwata, hol bê ye abay ken bè yó kem benwu gónó ye nô. Balù yóm bad ye ke Dwata bè yó kem halay ye ne bè yóm tifas grép gel ninum ye kkólen bè hnolo ulib ye, hol bê ye abay ken bè yó kem benwu gónó ye nô. Ne balù yóm tanay ngà yó kem safì ye ne tanay ngà yó kem ubiha ye, hol bê ye abay ken bè yó. Ne yó kem dumu basa deng fasad ye ke Dwata ne yó kem basa tódô kuy nawa du ne kihu yó kem dumu gel basa ye du, hol bê ye abay ken bè yóm kuy benwu.

Dwata 12:6

Bè yó gónó ye gel demsù yó kem dsù gel hkekeb ye ebéléen ne yó kem dumu gel dsù ye. Bud bè yó snéen gónó ye mit du yóm gesfoloen gel bad ye du ne yó kem dumu tódô gel basa ye du ne yó kem basa deng fasad ye du ne yó kem basa tódô kuy nawa du. Kkólen bè yóm tanay ngà yó kem safì ye ne tanay ngà yó kem ubiha ye, bud bè yó gónó ye e mit du.

Isra 3:6

Balù yóm là deng kbut kehdà le du he yóm Gónô Dwata, tódô nbut le bè yóm tanay kdaw bè yóm ghituhen bulón yóm kedsù le ebè Dwata.

Jirimaya 33:18

Ne tendo wen se sfu Libay mò blóng ebéléu fen demsù yóm dsù hkekeb le ebéléu ne yóm halay gel blay le dou ne yó kem dumu gel dsù le.”

Hlolò 23:2

“Hol tulónem yó kem tau Israél, wen mdengen kdaw le hligal stifun tmaba ebéléu. Yó kem kdaw yó, deng néléku mò hetfing le ebéléu. Ne gotu le stifun yóm kdê le kem tau Israél bè yó kem kdaw yó.”

2 Tutul Israél 31:14

Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen.