Isra 3:2 - Udél Dwata: Gna Kesfasad ne Lomi Kesfasad

² Lemwót Jéswa yóm ngà Jihusadak, mung du yó kem dumuhen blóng ebè Dwata ne Sirubabél yóm ngà Syatil, mung du yó kem kun dumu setwoli, gotu sentóbóng hdà le yóm gónó le gel demsù ebè yóm sana kul Dwata yó kem tau Israél. Yó gónó le mò du anì bud dsù le bè yó yóm dsù hkekeb le ebè Dwata, tódô lolò le yóm hlau tehe snulat Musis yóm tau Dwata.

Isra 3:2 Referans Kwoze

Kun Snulat Luk 3:27

Yóm Jóda, ngà Juhanan. Yóm Juhanan, ngà Risa. Yóm Risa, ngà Sirubabél. Yóm Sirubabél, ngà Syaltil. Yóm Syaltil, ngà Niri. Yóm Niri, ngà Milki.

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Sikaraya 6:11

Nwahem yóm hwit le yó ne nmoem kuruna. Ominem smuub du bè kulu Jéswa yóm geta bè yó kem gel blóng ebè Dwata yóm Jéswa ngà Jihusadak.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Sikaraya 3:1

Omin yóm hógów Dwata gel stulón do hton du dou yóm geta bè yó kem gel blóng ebè Dwata boluyen Jéswa, mdà bè solu yóm hógów Dwata. Bè kwanan yóm hógów Dwata yó, mdà bè yó Seitan ne tey dê tifuen ke Jéswa.

Hagay 2:23

Bè yóm kdaw yó, angat néléku uu, Sirubabél yóm tau tóbóng lówóhu, mò mogot yó kem dou tau ne hlanem bè dou boluy yóm kogotem kul. Uu se yóm hol dou nélék.” Dwata se mon du nim ni yóm Dwata laen dù là gbeken du, yóm Dwata hol gónó mogot.

Hagay 2:21

ebè Sirubabél yóm gubérnor bè Juda. Yó udél hwiten, monen, “Móyón kninsigu longit ne tonok.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

Isra 3:8

Duhen yó, deng lewu halay bud lewu bulón le deng kól bè Jirusalim, omin le yó mbut hemdà du yóm Gónô Dwata. Tódô kdê yó kem tau tehe negef deng bud mulék gotu semtóbóng mò nmò, gomong lemen le Sirubabél yóm ngà Syaltil, ne Jéswa yóm ngà Jihusadak kkólen bè yó kem dumuhen gel blóng ebè Dwata ne yó kem sfu Libay. Yó fen mogot du yóm bud kehdà le yóm Gónô Dwata yó, duhen yó kem sfu Libay deng lewu folò halayen duhen ke deng mukas.

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.