Isra 3:13 - Udél Dwata: Gna Kesfasad ne Lomi Kesfasad

¹³ Laen dog gemtukul du ke wen hligal mensag bélê le duhen ke wen mkik, bà mon yóm tey kehebnes le botong gungolem mayuk. Là gomongen bè nili yóm tsaptér 4 ne 5. Yó tulónen yóm kehdà kem tau Israél du yóm Gónô Dwata efet wen kem hohon le bè yó kem benwu hmilol kul hemseng du yóm nmò le. Yó nmò ni kem hohon le ni, smulat le ebè yóm tau hol geta bè Babilun anì hensengen yóm kehdà le yóm Gónô Dwata. Ne tahu se, hensengen. Botong sfolò nem halay kegen le là tagad bud mò nmò yó kem tau Israél efet hógów Dwata Hagay ne Sikaraya elem blóng le yó kem tau tugoden mò temgel nawa le. Bè yóm bud kmò le nmò, lemwót yó kem hohon le yó, bud le smulat ebè yóm tau hol geta bè Babilun, hentukul le béléen ke tahu lemwót bè yóm tehe Sirus yóm kehdà le Gónô Dwata yó kem tau Israél.

Isra 3:13 Referans Kwoze

1 Samwél 4:5

Timbow kól bè kamfù yóm Slungan Fasad nwit le yó, ya tey kehsag yó kem tau Israél lemwót bè yóm tey kligal le, botong megsinsig tonok.

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Kem Lingón 5:11

Okóm yó kem tau mlo ebéléem, hligal le se kul. Lemwót bè yóm tey kligal le, tendo sngal le yó kem sngal dmóyón kóm. Nofinem lu anì yó hol le hligal kdê yó kem tau kembong nawa kóm.

1 Bok Kem Tau Hol Geta 1:45

ne omin le Sadok ne Natan temwél ta kuluhen hnolo mò ilô yóm kbalingen tau hol geta. Lomi le bud semfulék elem syudad, tey kehligal le mensag yóm kdéen tau bè yó. Yó se yóm alì hebnes gungol ye.

1 Bok Kem Tau Hol Geta 1:40

Omin le bud gotu mung ke Selumun mulék ebè Jirusalim yó kem tau, ya tey kehligal le mensag, hligal le smoli. Tey kehebnes le bè yóm kehligal le yó, botong tô megsinsig tonok.

Kmukum 2:5

Ne yó gónó le moluy du Bukim yóm benwu yó. Ne wen dsù le ebè Dwata bè yó yóm sana kul Dwata hol gónó mogot.

Isra 3:12

Okóm tey dê bè yó kem tuha gel blóng ebè Dwata ne yó kem tuha bè yó kem sfu Libay ne yó kem tuha bè yó kem tau malak bè ket tbong yó kem tau Israél, deng gotu tehe gmafit mton du yóm gna Gónô Dwata tehe hdà le ne gotu le mkik bè yóm kton le du yóm nmò le ni. Okóm yó kem dumu nô bè yó, tey kehligal le botong le mensag.