Isra 3:11 - Udél Dwata: Gna Kesfasad ne Lomi Kesfasad

¹¹ Sngal le yóm sngal dmóyón ke Dwata, bud gel sensulit le yóm korosen, mon le, “Tey hyu yóm Dwata. Yóm kbong nawan yó kem tau Israél, laen kô dù nan e són.” Tódô kdê le gotu hemsag dmóyón ke Dwata, abay se deng gotu deng kmò le du begel yóm Gónô Dwata hdà le.

Isra 3:11 Referans Kwoze

1 Tutul Israél 16:34

Hol dóyón tekuy Dwata lemwót bè yóm tey kehyuhen. Là kóen monol yóm kbong nawahen tekuy ne laen kô dù tul sónen.

Kem Lingón 106:1

Hol dóyón tekuy Dwata. Bemlay tekuy slamat ebè Dwata, yakà teyen hyu. Yóm kbong nawahen tau là kóen monol, laen kô dù nan e són.

Kem Lingón 107:1

“Hol ye gel slamat ebè Dwata abay se tey hyu kmoen ebélê tekuy. Laen kô dù sónen yóm kbong nawahen tekuy.”

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Kem Lingón 135:3

Hol dóyón tekuy Dwata, abay se tey hyu yóm Dwata tekuy. Hligal sngal tekuy yóm tey klinggel boluyen.

Kem Lingón 118:1

Hol tekuy gel bemlay slamat bè Dwata abay se tey hyu yóm kmoen. Laen kô dù sónen yóm kbong nawahen tekuy.

2 Tutul Israél 7:3

Timbow ton yó kem tau Israél yóm ofi mkal lemwót gu bè longit yó, ne tódô tfengen lem yóm Gónô Dwata yóm tey keslinang Dwata, tódô le gotu lemfen bè tonok, tmaba le ebè Dwata, mung du yóm kdóyón le du, mon le, “Tey hyu yóm Dwata, yóm kun kbong nawa là kóen monol ne laen kô dù tul sónen.”

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 44:23

Hol ye hligal mensag dé, yu kem longit seglafin. Ne yó kem tonok seglafin etlaan, mensag ye. Dalang se kuy kem bulul ne kdê yó kem koyu dlag, hol ye hligal mensag. Deng hegfan Dwata yóm kegetahen bè kehewaen yó kem kun tau Israél.

Kehewà 15:21

Omin Miryam lemingón bélê le, yó lingónen, “Lemingón tekuy ebè Dwata lemwót bè yóm tey deng kegmoen bè yó kem hohon tekuy. Tudaen elem él yó kem kudà le, mung du yó kem tau smakay kul.”

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Kem Lingón 47:1

Hol ye hligal dé, yu kem kdéen tau, sendofì ye hólól ye. Hol dóyón ye Dwata hlan ye bè yóm tey kesngal ye.

1 Tutul Israél 16:41

Bud nélék Dabid Himan ne Jidutun ne yó kem dumu néléken boluy le mò bemlay slamat ebè Dwata, “abay se là monolen yóm kbong nawahen tau, ne laen kô tul sónen.”

Kem Lingón 47:5

Bè yóm kotun Dwata ebè yóm gónón myón kmamal, tey hensag tau lemwót bè kligal le, mung du yó kem tey uni féw.

Juswa 6:5

Ke deng deng yóm ghituhen dulék kógów le yó, omin le mféw htawid. Uni le mungol du yóm kdéen sendalù Israél yóm tey uni féw htawid yó, hol le se gotu mensag yóm kdê le ne tódô sen-gengen se gbà beng yóm syudad yó. Ne tódô le mógów hekteng elemen yóm kdéen sendalù Israél.”

Juswa 6:16

Tikóng deng hitu dulék le lemibut, omin le yó hol htawid mféw yó kem tau gel blóng ebè Dwata. Uni Juswa mungol du yóm yó yó udélen, monen, “Hol ye hendlà mensag, yakà deng blay Dwata du tekuy nim syudad ni.

Juswa 6:10

Okóm deng eles hetgama Juswa yó kem sendaluen, monen mò kul, “Hol bê ye tagad mensag. Hol bê ye tagad mudél balù sekteb. Nangat ye yóm kdóku kuy mensag, omin ye yó he hol hendlà mensag.”

2 Tutul Israél 5:13

Yó kem tau mféw ne yó kem tau semngal, tódô le segeng dmóyón ke Dwata ne slamat le béléen. Segeng kul yó kem dumu tau mféw ne yó kem tau semdofì simbal, ne yó kem dumu gel huni le. Hgel le sngal le ne dóyón le Dwata, mon le, “Tey hyu yóm Dwata. Yóm kun kbong nawa là kóen monol ne laen kô dù tul sónen.” Bè yóm kmò le du yó, tódô tfeng lobun lem yóm Gónô Dwata.

Kem Lingón 100:5

Tey hyu yóm Dwata. Laen kô dù tul sónen yóm kbong nawahen tekuy. Ne là kóen monol yóm nawahen ebélê tekuy efet kól bè laen dù sónen.

Kem Lingón 131:1

Ó Dwata, deng tebelu ne yóm kehegetahu knô, ne deng knogolu ne yóm keheklabaku. Là bud ktesu du ne yó kem nmò alì geta, duhen ke yó kem dumu nmò là bang gbek du.

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Hagay 2:3

“Wen kô bélê ye gemtulón du nawa yóm tey tehe keklóón yóm dou Gónô? Kmò kton ye du se nim Gónô hdà ye ni? Lómón ke là gsengeden du yóm gnan.