Isra 3:10 - Udél Dwata: Gna Kesfasad ne Lomi Kesfasad

¹⁰ Timbow deng gotu deng kmò le begelen yóm Gónô Dwata yó, lemwót yó kem tau gel blóng ebè Dwata lesek le yóm nes gel lesek le bè yóm keseblóng le tau ebè Dwata, mogot le féw ne mdà le bè yóm kul gónó mdà mféw. Lemwót se kul yó kem sfu Libay lemwót bè tbong Asaf, bud le mdà bè yó snéen, sendofì le yóm kul gel nuni. Tey kdóyón le ke Dwata, tódô lolò le yóm hlolò bè yóm tehe kun kdaw Dabid.

Isra 3:10 Referans Kwoze

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

2 Tutul Israél 35:15

Lemwót yó kem tau fen gel semngal kul nmò kem sfu Asaf, mdà le bè yóm kul gónó seblà mdà, ulit le bè yóm hlolò Dabid ne Asaf ne Himan, ne Jidutun yóm tugod Dwata ebè yóm tau hol geta. Bong yó kem tau mentey bè bak tikeb yóm Gónô Dwata, là kô tebel le du yóm gónó le mentey, abay se yó kem dumu le sfu Libay fen meted du bélê le bè yó yóm ken le.

1 Tutul Israél 23:5

Yóm fat libu mò mentey bè bak tikeb yóm Gónô Dwata, ne yóm dù fat libu, yó kul nmò fen semngal yóm sngal dmóyón ke Dwata hmung le bè yó kem gel nuni deng hmou.”

1 Tutul Israél 16:42

Himan ne Jidutun fen huni yó kem féw ne semdofì yó kem simbal ne yó kem dumu nuni le mung bè yó kem sngal dmóyón ke Dwata. Yó kem ngà Jidutun logi fen nélék Dabid mò mentey yó kem bak tikeb gónón nô yóm Slungan Dwata.

1 Tutul Israél 16:37

Deng eles wen hlolò Dabid kul le Asaf ne yó kem dumuhen sfu Libay yóm mò gel nmò le ket kdaw bè yó bè solu yóm Slungan Dwata.

1 Tutul Israél 15:27

Lesek Dabid yóm nes bukay, dalang se yóm kdê sfu Libay semtihang yóm Slungan Dwata, ne yó kem tau hulung semngal, ne Kinanaya yóm fen gel malak sngal, gotu le lemsek nes bukay se kul. Lesek Dabid snéen yóm nes boluyen ifod mò gel lesek yóm tau gel blóng ebè Dwata.

1 Samwél 22:18

Omin yóm tau hol geta mdók ke Dóg, monen, “Yó ne uu hmatay kul.” Tahu se, beklil Dóg ne gotu hnatayen yó kem tau blóng ebè Dwata yó. Bè yóm kdaw yó, botong wolu folò limu tau blóng ebè Dwata hnatayen, igò le tolo lemsek yóm nes kul gel lesek yó kem tau gel blóng ebè Dwata.

Kem Lingón 150:5

Hol dóyón tekuy Dwata mlan bè yó kem alì muni gel sendofì te.

Hagay 2:15

Yó bud udél Dwata ebélê le, monen, “Là ton ye du kô yóm kmò kógów klowil ye? Gu laan ye là deng mbut hdà du he yóm dou Gónô,

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Sikaraya 6:12

Tulónem du udél yóm Dwata laen dù là gbeken du, yó monen, ‘Ngem, yóm sotu tau bnoluy Hanga. Tey angat ktubeden, du mò bud hemdà du yóm dou Gónô.Tahu se, du se angat hemdà du yóm kun Gónô Dwata ne tey kadat le du lómón kadat le yóm tau hol geta ne nogoten yó kem tauhen lemwót bè yóm gónón myón kmamal. Ne lenwóten bè yóm gónón myón kmamal, bud du se mò blóng le ebè Dwata ne tey tilob kessogot yóm lewu nmoen yó.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

2 Tutul Israél 5:12

Yó kem sfu Libay hulung semngal, le Asaf ne Himan ne Jidutun, ne kem ngà le logi ne kem dumu le setwoli logi, gotu le mnes bukay tahà, mdà le fi dmata kdaw bè kilil yóm gónó le gel demsù, sendofì le yó kem simbal nogot le, ne huni le yóm lewu kay kenbit le. Slomong bélê le yóm lematu lewu folò kem tau blóng ebè Dwata fen mféw.

2 Tutul Israél 35:14

Ke deng deng kmò le du yó kem sfu Libay yóm yó, omin le hemtifes yóm mò kul ken ne ken yó kem tau gel blóng ebè Dwata, abay se yó kem tau gel blóng ebè Dwata sfu Aron, deng tódô nbut le hlafus efet kól kifu demsù yóm dsù hkekeb ebè Dwata ne hkekeb yóm tóbóen ebè Dwata. Duhen yó, fen hentifes yó kem sfu Libay nim kdéen ni.